Saut enggau Tanya - Berita Iban Online

Berita Terbaru


Post Top Ad


Post Top Ad

Saut enggau Tanya

Nama kebuah tauka tuju Berita Iban Online digaga?.

Berita Iban aka www.beritaiban.com salah siti portal media online bebas. Kami salah siti ari raban media online ti keterubah ia mandangka Berita 100% dalam Jaku Iban. Taja pan kami enda entu berapa pemes tauka bedau dikelala bala mayuh, tang kami ulih ngelaku sereta mantaika video, gambar, isu terbaru, informasi dalam tauka luar negara.

Bisi Setesyen Video tauka Media Rama kebukai?.

Bisi, nuan tau ngeadd tauka nyadi kaban kami ba setisen ti ba lis baruh tu:
Portal Berita Iban: www.BeritaIban.com

Nama Berita Iban Online tu bisi ngaga Majalah/Bup/surat kabar kediri empu?.

Kemaya tu, kami benung fokus mandangka berita/penemu nengah internet tauka portal tu aja. Ila kami madah ti nyema kami deka begagaka Majalah/Bup/surat kabar kediri empu.


Sapa ke ngempu tauka ketuai Portal Berita Iban Online?.

Ketuai ke ngempu Portal Berita Iban tu 100% anak Iban Tulin asal ari menua kitai empu ianya Sarawak. Siku mensia ti rindu ka pemansang lalu bejuluk ati deka mai semua bala kitai sama nyingkang sereta mansang ke mua. Ngambi ka bansa kitai enda tinggal ari komuniti bansa bukai.

Bisi kaban aku madah Portal Berita Iban Online tu ngukung perintah tauka Parti BN. Amai ka?.

Anang saru nuan menyadi, Portal Raban Berita Iban siti ari media online bebas. Kami enda nyukung mana-mana parti politik. Kami semina nyukung siapa ke ulih mai pemansang sereta pengelikun ngagai menua enggau bansa kitai.

Aku bisi tepansaka portal ti lebih kurang sebaka enggau Portal Berita Iban Online. Nama utai kelebih tauka nyelaie?.

Portal Berita Iban tu meh raban ti keterubah ia ngaga/mantaikan Berita ngena jaku kitai 100%. Nuan tau ngelaie chara kami nulis sereta mantaika berita. Enda tinggal mega, nuan tau ngelala kami ari Logo kami empu.

Nama kebuah Portal Berita Iban udu nulis tauka mansutka berita pasal politik?. Nama enda ngaga Berita pasal sukan tauka Berita bukai?.

Maya kami belabuh ngaga Portal Berita Iban tu suba, kami mayuh nerima berita/info pasal politik tauka sebana rayat ti nadai di pantaika/ayan ba TV tauka enda di dinga ba radio.

Nya alai kami mayuh mansutka berita pasal politik, ngambika bala Menteri ke megai tanggung pengawa ulih besaup, nulong sereta mutarka isu tauka penusah ti nyadi ngagai komuniti enggau menua kitai. Kami enggai ka Menteri ti udah di sukong tauka diundi bala rayat "Baka kepayang nyada ke lidah".

Taja pia, kami mega bisi mega ngemansutka berita bukai pasal pemansang, sukan, isu terbaru, informasi dalam tauka luar negara.

Dini Portal Berita Iban bulih isi berita/info?.

Kami bulih isi berita/info ti diberi bala pemacha ti di terima kami ba email beritaiban@gmail.com lalu bisi sekeda di ambi kami ba media rama tauka portal berita kebukai.

Portal Berita Iban bisi app ulih kena ba talipaun binching?.

Raban kami benung begigaka perengka tauka belanja ti kena ngaga app Laman Berita Kitai. Semadi ke nganti app tembu, nuan ulih ngelawa tauka tama ngagai www.beritaiban.com.


Portal Berita Iban bisi nerima Berita/Sebana tauka penemu ari bala mayuh?.

Bisi, enti nyema nuan bisi cherita tauka info deka dikunsi ka enggau bala mayuh, Raban kami enggau gaga ati nerima nya. Enda ngira nama topik, anjung ngagai kami ngena email beritaiban@gmail.com tauka ngisi pom ba Kuntik Kami.
Jaku Tangkan: Berita/info ti enda betul/silik tauka ulih mai penyarut ngagai bala mayuh sigi enda di terima bala kami.

Bakani cara ti aku deka nyadi pengarang ba Portal Berita Iban?.

Terima kasih laban deka beserakup enggau Raban Berita Iban. Nuan tau nganjung resume nuan ngagai beritaiban@gmail.com. Bala kami nyaut nuan ngena email nama utai ti patut digaga nuan udah nya.

Bakani cara ti nyema aku deka minta tolong bala Pengarang Berita Iban ngelakuka dagang tauka pengerami?.

Anang irau nuan.. Bala kami mesti nulong ni naka ulih. Nuan tau nganjung email ngagai kami ba beritaiban@gmail.com tauka ngisi pom ba Kuntik Kami. Bala kami nyaut nuan ngena email nama utai ti patut digaga nuan udah nya.


Nama kebuah email/komin aku enda di balas bala Pengarang Berita Iban Online?.

Ti nyema nuan meri penemu/komin/info/Berita ti enda silik, lalu ulih mai penyarut tauka ngasuh belayak sigi enda dilayan bala kami. Nya alai, berunding meh enggau manah dulu sebedau meri komin tauka penemu ba portal tu.

Agi bisi utai deka ditanya?.

Nuan ulih ngisi Kuntik Pom online kami lalu nganjung nama utai deka di tanya nuan ngagai kami BA DITU

Post Top Ad