Cheramah maya kimpin enda tau enda nadai permit - Berita Iban Online

Header Ads

  • Baru Nyadi

    Cheramah maya kimpin enda tau enda nadai permit

    Updated : 1:27 pm March 27, 2009





    KUCHING: Polis ngeluarka jaku tangkan sigi enda tendur neritka undang-undang ngukum barang sapa ke ngatur cheramah tauka kimpin ba alai orang mayuh nadai ngena permit.
    Sapit Kepala Polis Sarawak SAC I Dato’ Hamza Taib madah, atur nya nitihka Gemteran Tusun Ukum 27 Akta Polis ketegal penyalah ngatur cheramah ba mua orang mayuh ke nadai dikemendarka ba alai ke tebuka.


    “Taja pia kediatu nadai sebarang peminta permit deka ngatur cheramah kena orang mayuh bisi udah dipinta ba kami ulih sebarang parti ke deka bediri ba bepilih mit Batang Ai.


    “Cheramah ke diatur ba alai betutup tauka diempu ulih orang nya empu baka ba rumah panjai, taja pia, enda ibuh begunaka permit,” ku iya lalu nambah, pemendar permit ke dikeluar ulih Kepala Polis Pelilih Menua (KPD) digaga udah mansik tikas pengelikun orang mayuh.


    Iya madah baka nya maya ditemu sida pengarang berita udah bejadika atur pengawa Perbarisan Peringatan Hari Polis Ke-202 Tahun 2009 di Indu Opis Polis Kontinjen (IPK) Jalai Badruddin ditu, kemari.


    Lebuh ditanya pasal polis betunga enggau bepilih mit Batang Ai, Hamza madah, raban polis diatu udah sedia.


    “Kelimpah ari nganjung 850 pegawai enggau raban polis, penyendia logistik nyengkaum nyendiaka tiga buah helikopter, bilun lempung (dua) enggau bot (10) dipelaba ulih mantu pengawa polis nguntrul pengelikun sepemanjai kanadang proses bepilih mit belabuh ari chalun ngantung nama, kimpin enggau muai undi,” ku iya.


    Iya madah, kos ke dikena bejalaika pengawa nguntrul pengelikun orang mayuh lalu beratika bepilih mit Batang Ai bejalai enggau manah, dipelaba dalam urung lebih ari RM1 juta.


    Sebedau nya, Hamza ke macha jaku ari Kepala Polis Perintah Besai madah ngagai raban polis, iya nya revolusi teknologi pemadah enggau komunikasi (ICT) udah muka peluang ngagai orang ke ngereja pengawa salah kena sida iya bekunsi pemadah lalu ngereja pengawa salah sida iya enggau jampat.


    Orang ke ngereja pengawa salah ke muden diatu bepenemu, ngena senjata enggau teknologi ngereja pengawa salah muden udah mai ubah ngagai bansa enggau trend pengawa salah sida iya ke tusah dikemutarka, ku iya.


    “Tu nyadi chabar polis kemaya hari tu, tang sejarah udah ngayanka tiap iti chabar udah mujur dikemutarka laban PDRM tetap ngemeratka revolusi pemadah,” ku Hamza lalu ngasuh raban polis terus nagang enggau ngemutarka pengawa salah, beratika pengelikun, meri pengarap ngagai orang mayuh lalu nirika integriti raban polis.



    No comments

    Post Top Ad

    Deka nemu berita benung #TRENDING tauka #VIRAL ninting hari:

    Post Bottom Ads