Malu enggau media ukai reti enda ulih nyadika pengari rayat, ku Masing - Berita Iban Online

Header Ads

  • Baru Nyadi

    Malu enggau media ukai reti enda ulih nyadika pengari rayat, ku Masing

    Malu enggau media ukai reti enda ulih nyadika pengari rayat, ku Masing

    KUCHING: Enda entu rinduka publisiti, ukai reti Malcolm Mussen Lamoh enda ulih ngereja tanggung pengawa nyadi pengari rayat enti iya menang ila, ku Presiden Parti Rakyat Sarawak (PRS) Dato Sri Dr James Masing.

    Iya ngaku chalun BN Batang Ai dipadah orang malu enggau media ke deka ngulihka berita ari iya.

    “Ketegal jarang pansut ba surat berita ukai reti iya enda ulih nyadi pengari rayat enti menang,” ku iya madah maya ditalipaun kemari.

    Masing ditanya pasal ulah Mussen ke enda entu berapa bekaul enggau bala pengarang berita udah nama iya disada bediri ba bepilih mit Batang Ai.

    Ngantung nama kena 29 Mac tu tadi diatur ba Kompleks Sukan Lubok Antu. Nama Mussen dibantaika Grang Jubin lalu disukung Jampi Tutong.

    Chalun PRS nya deka betengali alan enggau chalun Parti Keadilan Rakyat (PKR) Jawah Gerang ke dibantai Unggeh Babay lalu disukung Lepang Grang.

    Masing ke mega Menteri Pemansang Tanah madah, Mussen kala bejaku ba mua orang mayuh kelebih agi lebuh maya pengarang berita nadai ba atur pengawa iya ketegal pengawa nya diatur dulu sungai.

    “Iya pan orang ke baru dalam politik, lalu anang manding iya enggau sida ke bisi 20 taun peneleba ba pengawa nya,” ku iya.

    Masing enggau Mussen deka sama kimpin belabuh ari 3 ngagai 6 April tu ila. Kimpin nya mega deka sama mai Sapit Presiden Umno Tan Sri Muhyiddin Yassin enggau Mandal Presiden Umno Datuk Seri Shafie Apdal.

    Lebuh ditanya pasal chalun PKR, Masing madah Jawah lebuh nyadi Kaban Parlimen Lubok Antu nadai mai pemansang diguna orang mayuh di Batang Ai.

    Sitak Kunsil Nengeri (DUN) Batang Ai tu siti ari dua sitak ke bisi dalam rampa Parlimen Lubok Antu. Pengawa Jawah ke ngeringka projek pemansang ba menua nya enda chukup.

    Ku iya, Jawah ke ringat nyangka menteri selalu nyeliah betemu enggau iya.

    No comments

    Post Top Ad

    Deka nemu berita benung #TRENDING tauka #VIRAL ninting hari:

    Post Bottom Ads