Aaron Ago Dagang enda nangi nyatup sesapa aja chalun ba PRU14. - Berita Iban Online

Header Ads

  • Baru Nyadi

    Aaron Ago Dagang enda nangi nyatup sesapa aja chalun ba PRU14.

    KANOWIT: Kaban Parlimen (MP) Kanowit Datuk Aaron Ago Dagang nyendiaka diri napi barang sapa ti deka ngelaban iya maya Pengawa Bepilih Besai Ke-14 (PRU14), madahka diri suah udah bejalai ngagai pun menua betemu enggau rayat.

    “Pengudah aku menang bepilih ngena tikit Barisan Nasional (BN) rambau pengawa bepilih suba, aku suah udah betemu enggau mensia mayuh,” ku iya.

    Kena Hari Lima tu tadi, Presiden Parti Rakyat Sarawak (PRS) enggau Sapit Kepala Menteri Tan Sri Dr James Masing, udah mantaika nama Aaron ti deka ngetanka penuduk iya.

    Iya mantaika pekara tu rambau pengawa Mangkung Tiang enggau ngelancharka sistem Tagang ungkup Serakup Peranak Junan Pang (PJPA) diatur di Nanga Pang di Ulu Sungai Ngemah ditu.

    Aaron, gawa perintah ngalih ngagai politik, dalam penggal ketiga iya nyadi MP Kanowit.

    Iya keterubah disabung nyadi chalun BN ba penuduk nya dalam taun 2004 ke alai iya menang enggau majoriti 2,057 undi, bepadan nengali alan nyatup chalun ngatika diri Frederick Bunsu Janton.

    Dalam taun 2008, iya menang darat.

    Pengawa bepilih 2013 iya menang enggau majoriti 3,042 undi, berebut tiga penyuru, ngelaban Thomas Laja Besi ari Parti Keadilan Rakyat (PKR) enggau Ellison Ludan Muyan ari Sarawak Workers Party (SWP).

    Iya teulihka 8,046 undi seraya Laja enggau Ludan bulih 5,004 enggau 417 undi.

    Berebak enggau nya, Aaron meri terima kasih ngagai Masing ti udah ngenukuka iya nyadi chalun parti ungkup pengawa bepilih.

    Sitak parlimen Kanowit mungkur penuduk sitak kunsil nengeri Ngemah enggau Machan. #UtusanBorneo

    No comments

    Post Top Ad

    Deka nemu berita benung #TRENDING tauka #VIRAL ninting hari:

    Post Bottom Ads