Anang malu ngaga ripot ngagai polis bekaul kes pasung. - Berita Iban Online

Header Ads

  • Baru Nyadi

    Anang malu ngaga ripot ngagai polis bekaul kes pasung.

    MIRI: Sida ti kena pasung patut berani ngaga ripot polis sereta anang ngerundingka pemalu ngambika orang ti salah, sekalika diri sebilik tauka kaban belayan, ulih kena tinggang ukum ti patut.

    Chairman Serakup Apai Indai enggau Pengajar Nasional Sarawak, Wan Zain Syed Mohdzar madah, kemaya hari tu mayuh kes ngaul pengawa beleman mali tauka masung ti ngaul diri sebilik.

    “Bisi apai masung anak, aki masung uchu, menyadi tuai masung menyadi biak enggau ke bukai. Berindik ari nya, kitai ngarapka sida ti kena pasung tu anang malu mantaika ulah orang ti ngereja penyalah nya,” ku iya madah ngagai Utusan Borneo, kemari.

    Nitih ku iya, nyema nadai ripot digaga, perintah napi pemar nagang penyalah seksual ke diatu ti majak nyadi nyengkaum di Sarawak.

    “Anak mit ti dipasung mar deka bejaku laban irauka pengelikun diri, diemba orang ti ngereja penyalah,” ku iya nerang.

    Tebal agi kes ti diripot nyadi ukai dipejal tang orang ti masung enggau sida ti kena pasung bela ngelala pangan diri.

    Berebak enggau nya, kaul enda nadai betaka anak indu ngujungka sida beleman enggau pangan lelaki taja umur sida agi biak.


    “Kitai enda ngenggaika bisi sekeda nembiak sekula mega udah nemu beleman enggau pangan sida ketegal bepedaka video kamah sereta ‘penyayau’,” ku iya.

    Ku iya, kes masung indu ti biak umur ti majak nyadi nyenggala ngayanka penanggul rama ngagai bala nembiak diatu datai ba tikas kritikal.

    Nya alai ku iya, siti atur pengawa patut dilanggur dikena ngelala pun ke bendar kes tu majak nambah lalu pengawa dikena mutarka kes enggau manah.

    Nitih ku iya, apai indai patut matau pengawa bala anak sida meda website ti enda menuku laban irauka sida deka nunda pengawa ti dipeda.

    “Anang ngasuh bala anak bibas meda website laban sida tu deka nunda ulah ti enda menuku,” ku iya.
    Kemari, polis Miri mujur ngetan siku lelaki dipelaba masung siku nembiak pom satu lalu mejal nembiak nya beleman enggau siku lelaki bukai. #UtusanBorneo

    No comments

    Post Top Ad

    Deka nemu berita benung #TRENDING tauka #VIRAL ninting hari:

    Post Bottom Ads