Bajet 2018 dikearap ngemeratka ungkus pengidup rayat menua tu. - Berita Iban Online

Header Ads

  • Baru Nyadi

    Bajet 2018 dikearap ngemeratka ungkus pengidup rayat menua tu.

    MIRI: Pengawa bejuraika Bajet 2018 kena 27 Oktober tu ila dikearap meri pemerat ba pekara ngurangka ungkus belanja idup rayat ti majak tinggi ke diatu.

    Kaban Parlimen (MP) Sibuti, Ahmad Lai Bujang madahka perintah deka nampung pengawa mantu rayat nentuka raban ti ditagit enda ditating enggau ungkus belanja idup.

    “Kitai pechaya perintah deka beratika penanggul ditapi rayat ke diatu, nya kebuah Menteri Besai minta rayat meri penemu tauka perambu sida ba Bajet 2018,” ku iya ditu, kemari.

    Nitih ku iya, Bantu Rayat 1 Malaysia (BR1M), subsidi barang asas, bantu berumah enggau ke bukai dipelada deka ditampung dikena mantu raban dituju.

    “Bajet 2018 deka ngemeratka 14 kategori besai lalu iya dipelaba deka mantu rayat ba semua pekara nyengkaum peranak di kandang menua pesisir enggau semak mengeri.

    Sekeda ti deka dikemerat dalam Bajet 2018 nyengkaum ekonomi digital, ungkus belanja idup, pengawa berumah enggau pengidup di mengeri, servis nyaga pengerai.

    Pia mega, perengka pengangkut enggau infrastruktur, pemansang genturung pendiau, rampa menua enggau pengawa betanam betupi, raban nembiak enggau lumba, main asal enggau dagang temuai, sereta pengelikun mensia mayuh enggau pengelurus.

    Iya mega ngarapka perintah ngenyampatka agi pengawa ngemanah enggau ngangkatpemanah sekula di menua pesisir ti agi luya enggau seranta.


    “Kitai arap endar sekula ti luya, enda likun agi dikena diberi pemerat ngambika dikemana nyengkaum kuarters bala pengajar ti udah luya,” ku iya.

    Ba lansa ke sama, Bajet 2018 mega dikearap deka ngemanahka perengka guna infrastuktur di menua pesisir nyengkaum jalai alun, bekal ai enggau kuasa karan.

    Taja mayuh kandang menua pesisir udah ngembuan perengka guna tu, tang sekeda kandang menua ke bukai agi tinggal sereta begunaka perengka pengangkut nya. #UtusanBorneo

    No comments

    Post Top Ad

    Deka nemu berita benung #TRENDING tauka #VIRAL ninting hari:

    Post Bottom Ads