Masing: BN nadai penanggul ngetanka semua sitak Parlimen. - Berita Iban Online

Header Ads

  • Baru Nyadi

    Masing: BN nadai penanggul ngetanka semua sitak Parlimen.

    TERIMA KASIH: (Kanan)Tr. Sabang, Mengiling B, Lubok Antu ngarika JKKK iya nerima geran MRP ari Masing, seraya diperatika (kiba) Doris.

    KUCHING: Barisan Nasional (BN) arap bendar ulih ngetanka semua sitak Parlimen kelebih agi ba sitak ti tebal agi pengundi Dayak, ba Pengawa Bepilih Besai Ke-14 (PRU 14) tu ila.

    Sapit Kepala Menteri ti mega Presiden Parti Rakyat Sarawak (PRS) Tan Sri Datuk Amar James Jemut Masing madah, BN mega dipelabaka ulih nambahka penyampau sitak ke dimenang maya nya ila.

    Iya madahka diri arap bendar BN ulih ngerampas baru tauka menang ba dua tauka tiga sitak parlimen ti tebal agi pengundi China.

    “Aku ngasaika penyakal enda ulih ngambu diri menang ba sitak parlimen di menua pesisir ti tebal agi Dayak.

    “Aku arap bendar kitai (BN) ulih ngetanka nama ke udah dimenang kitai sereta engka ulih nambahka tiga tauka lebih, kelebih agi ba sitak parlimen DAP,” ku iya.

    Masing mansutka pekara nya lebuh dikerandau raban pengarang berita bekaul enggau parti penyakal (PH) ti ngambu ulih nambah tauka menang ba sitak parlimen ti tebal agi pengundi Dayak maya PRU 14.

    “Aku ngasaika DAP tauka PH tau ngambu tauka menang mayuh agi sitak parlimen, tang aku enda pechaya nya ulih nyadi,” ku iya ti mega Menteri Pemansang Infrastruktur enggau Perengka Pengangkut.

    Berindik ari ti ngembuan pengarap besai BN ulih ngetanka semua sitak parlimen maya PRU14, Masing ditanya sekalika nya ketegal niang Tok Nan maya ke nyadi kepala menteri agi bisa, iya madahka semua nya bepelasarka penyulut maya pengawa bepilih nengeri (PRN) Sarawak Ke-11.

    Ku iya, maya PRN 11 BN ulih ngambi pulai baru sitak kunsil nengeri (DUN) ke alah sereta dimenang penyakal sebedau tu ambis nadai dua tauka tiga, ke mai reti ngagai maya pengawa bepilih parlimen.

    “Ba pikir aku mega faktor Adenan agi bisi dia, kitai (BN) agi meri nama ke udah disemaya iya.

    “Nambahka nya kitai (BN) bisi Datuk Patinggi Abang Johari Tun Openg ke nyadi kepala menteri ti agi ngetanka pengawa ke dipejalai sereta disemaya Tok Nan,” ku iya seraya madahka naka ke diatu nadai udah diubah.

    Dulu ari nya, Masing ti Kaban Kunsil Nengeri (ADUN) Balleh nyuaka geran Projek Mit Menua Pesisir (MRP) ngagai 28 penerima ke sepenyampau RM467,000, ti diatur ba bilik aum opis iya di Begunan Baitulmakmur ditu, kemari.

    Sama bisi datai ngagagi pengerami nya, Sekretari Politik Kepala Menteri Datuk Seri Doris Sophia Brodie sereta Kaban Parlimen Lubok Antu, Datuk William Nyalau Badak enggau ke bukai. #UtusanBorneo

    No comments

    Post Top Ad

    Deka nemu berita benung #TRENDING tauka #VIRAL ninting hari:

    Post Bottom Ads