Mayuh aktiviti diatur nyerumba Hari Kaban Farmasi Sedunya 2017. - Berita Iban Online

Header Ads

  • Baru Nyadi

    Mayuh aktiviti diatur nyerumba Hari Kaban Farmasi Sedunya 2017.

    PENERANG PASAL UBAT: Abu mendingka sekeda penerang ari siku kaban farmasi rambau program di Kuching kemari.

    KUCHING: Hari Kaban Farmasi Sedunya 2017 mujur diatur di Kuching kemari lalu dipenyadi Sapit Direktor Opis Pengerai Nengeri (Farmasi) Abu Hassan Alshaari.

    Nungkatka rambai jaku “From research to health Care: Your pharmacists is your service” program sehari nya ngundan mayuh macham pengawa ke bekaul enggau pengerai.

    Program ke diatur di palan bebeli barang CityOne nya dkearap ulih ngelakuka tanggungpengawa farmasi sereta nerang bengkah servis ke disedia.

    Tuju Hari Kaban Farmasi Sedunya iya nya dikena ngangkatka kualiti servis pengerai ke diberi ngagai orang sakit nengah produk therapeutic ke likun sereta ngasi.

    “Kitai deka ngelaku raban farmasi ke bela megai tanggungpengawa berat ba pengawa berubat,” ku Abu.

    Hari Kaban Farmasi Sedunya diintu kena 25 September ninting taun lalu dipunka ba taun 1912 iya nya maya International Pharmaceutical Federation (FIP) ditumbuh.

    Entara program ke disedia kemari iya nya pengawa beperesa pengerai tubuh sereta ngeli, licha pengerai, licha sentang pekara farmasi enggau sekeda main bukai. #UtusanBorneo

    No comments

    Post Top Ad

    Deka nemu berita benung #TRENDING tauka #VIRAL ninting hari:

    Post Bottom Ads