Nembiak Primari Enam SK Batu 36 udah ngulu HIP di Rh Nyawin. - Berita Iban Online

Header Ads

  • Baru Nyadi

    Nembiak Primari Enam SK Batu 36 udah ngulu HIP di Rh Nyawin.

    BESAI TUJU: Alas (tiga kiba) enggau TR Nyawin (dua kanan) ngelai pengawa bejadi program.

    SELANGAU: Nembiak Primari Enam Sekula Primari (SK) Batu 36, Jalai Sibu-Selangau udah datai nemuai ngagai Rumah Nyawin ditu, empai lama tu tadi.

    Sida betubuh 60 iku betuaika Kepala Pengajar SK Batu 36, Alas Ramli sereta pengajar ke bukai iya nya Penulung Kanan (PK) Akademik Catherine Paul Rosli, PK Kokurikulum Jeffery Rajak, Pengatur ‘Highly Immersive Programme’ (HIP) Mazlan Rostani enggau Ketuai Program Outreach Norhayati Iskandar.

    Berebak enggau tu, Pengawa Bejadi Program Outreach bela diatur ti dikelai nengah pengawa nyain sempekat pemereti ati (MoU) ti ngaul kerejasama entara Tuai Rumah Nyawin enggau Alas.

    Tuju Program Outreach tu iya nya deka nerenakka pengerindu bala nembiak macha bup Jaku English dikena nyungkakka agi pengelandik nembiak bejaku English.

    Pemujur program tu bela mandangka kaul ti manah entara bala apai indai enggau piak sekula ti sebaka reti enggau ulah besaup ngemansangka pelajar bala anak.

    Kelimpah ari nya, program tu mega sebagi ari pengeransing ti deka nyungkakka pengelandik ba Jaku English ti mega tau dipelajar ukai semina dalam kelas tang mega ba luar kelas.

    Semua tu bepun ari pemesai guna nyema landik ba jaku nya ti dikena nentuka pemujur pengidup dudi hari ketegal pengawa kemaya hari tu majak randaka pengelandik jaku nya kelimpah beguna dikena nyikap diri besemekih ngulihka pemujur ba renggat global.

    Tu mega sebaka tuju ba Highly Immersive Programme (HIP) ti berebak diatur maya nya.

    Ba tu, empat bengkah batang program nyempulang nyengkaum baka Program Outreach.

    Program Outreach ditumbuhka dikena ngempung semua raban piak sekula baka bala pengajar, apai indai, nembiak sereta mensia mayuh ke bukai.

    Program sehari tu berambaika leka jaku ‘Reading With Community’, sebengkah program ti mai bala apai indai besaup nerenakka ulah rindu macha ba bala anak seraya nempa kaul ke manah piak sekula enggau apai indai. #UtusanBorneo

    No comments

    Post Top Ad

    Deka nemu berita benung #TRENDING tauka #VIRAL ninting hari:

    Post Bottom Ads