Safari Rakit Padawan 2018 ngayanka identiti Bidayuh. - Berita Iban Online

Header Ads

  • Baru Nyadi

    Safari Rakit Padawan 2018 ngayanka identiti Bidayuh.

    TIM TEGAR: Ik (empat kanan) begambar enggau tim Nibong Mas, champion kayak bagi lelaki.

    PADAWAN: Safari Rakit Padawan (SRP) ba taun 2018 ila deka dirichah enggau pekit lumba rayat sereta main tradisional.

    Sekretari Mendam Opis Dagang Temuai, Seni, Main Asal, Lumba enggau Nembiak Dato Ik Pahon madah bengkah pekit nya diatur ngambi ulih ngayanka identiti Bidayuh.

    “Enti enda kitai mandangka identiti Bidayuh, sapa agi? Engka kitai ulih ngatur pekit nyumpit enggau gong,” ku iya.

    Ik mansutka jaku nya rambau nutup Safari Rakit Padawan 2017 ke diatur di Kampung Git Padawan ditu, kemari.

    Iya nambah atur ba taun dudi nya ila deka matak semua genturung pendiau di sepemanjai Sungai Samadang.

    “Aku minta Opis Kunsil Kandang Padawan(MPP) ngaga keretas kereja ngambi tau dibai kitai ngagai menteri bekaul.

    “Aku chukup pechaya menteri deka meri kitai agih belanja ungkup pengawa tu,” ku iya.

    Tu mih pengawa MPP ke nyadi kaling opis menteri dagang temuai i Sarawak, tandu Ik.

    Safari Rakit Padawan 2017 diatur dua hari berunggu berengkah 23 nyentuk ngagai 24 Sepetember.
    Penyampau 140 tim ke mungkur lebih 500 iku penyereta ngambi bagi ba enam pekit ke bisi disedia.

    Safari tu udah dipasuk ba kalendar dagang temuai Sarawak lalu nyadi sebengkah program ti mai pemisi belanja ngagai peranak ke diau ngelingi.

    Bela datai Sapit Chairman MPP Dato Ahmad Ibrahim, Chairman Majlis Perbandaran Kota Samarahan Datu Peter Minus, chairman Pengatur Safari Paul Akiew enggau orang bukai. #UtusanBorneo

    No comments

    Post Top Ad

    Deka nemu berita benung #TRENDING tauka #VIRAL ninting hari:

    Post Bottom Ads