1Karnival IPGKTAR dirichah enggau bemacham aktiviti - Berita Iban Online

Header Ads

  • Baru Nyadi

    1Karnival IPGKTAR dirichah enggau bemacham aktiviti

    KOTA SAMARAHAN: Pampang Opis Hal Ehwal Pelajar (HEP)Institut Pematih Pen gajar Kampus Tun Abdul Razak (IPGKTAR) begulai enggau Opis Agama Islam enggau Pelajar Moral mujur ngaga 1Karnival IPGKTAR 2017 ke nembiak sekula, berengkah ari ensanus nyentuk 7 Oktober tu.

    Karnival tu diatur berambaika leka jaku ‘Melestarikan Komuniti ke-arah Kecemerlangan Pendidikan Abad ke-21’ dikena meri peluang ngagai semua renggat nyukung dalam pemujur pelajar nengah kerejasama pintar dalam komuniti, sereta ngansah pengelandik, kreatif sereta inovasyen dikena ngangkatka pemujur akademik raban IPGKTAR.

    Mayuh macham aktiviti bisi diatur sekumbang karnival nya ba Dewan Sri Aman enggau laman palan latih nya,nyengkaum muka bansal mit bejualka ai irup, pemakai enggau barang bukai,pemandang, pengawa bejualka barang, ngaga promosyen barang sereta servis ari mayuh macham ejensi, nyual bup, pekit belagu, belajar pasal jaku enggau pelajar bukai.

    Entara sida ke bisi ngaga pemandang, iya nya ari opis sereta ejensi Perintah, bank, orang ti ngasilka kraf jari serta mayuh macham ejensi enggau kompeni bukai.

    Sama bisi dikangau enggau ngulu karnival nya ensana, bala nembiak sekula ari tiga buah sekula dalam sitak Kota Samarahan nya. #UtusanBorneo

    No comments

    Post Top Ad

    Deka nemu berita benung #TRENDING tauka #VIRAL ninting hari:

    Post Bottom Ads