Header Ads

  • Berita Tebaru

    335 pemesai perintah nengeri di Miri udah nerima PPS

    PENERIMA KETERUBAH: Datuk Liaw Soon Eng (kanan) ari Opis Menteri Pemansang Industri enggau Dagang Sarawak ne-rima Pingat Perkhidmatan Se-tia ari Abang Johari (tengah).
    MIRI: Bisi 335 pemesai perintah nengeri enggau perintah besai di bagi menua Miri nerima ‘Pingat Perkhidmatan Setia’ (PPS) ti diatur ditu kemari.

    Bisi 19 bengkah opis sereta ejensi perintah iya nya 12 ejensi/opis perintah nengeri seraya ke bukai, tujuh ejensi/opis perintah besai.

    Tu nyadi pengerami kelima bansa nya ke diatur semanjai taun tu.

    Pingat udah disuaka Menteri Datuk Amar Abang Johari Tun Abang Openg di Hotel Mega.

    Ngepunka lis penerima iya nya Sekretari Mendam Opis Menteri Industri enggau Dagang Sarawak, Datuk Liaw Soon Eng ti udah gawa pengelama 38 taun.

    Bela nerima PPS taun tu iya nya Sekretari Kaunsil Pelilih Marudi Petrick Linggie Taboh ti gawa pengelama 25 taun, Menijar Besai Lembaga Pelabuhan Miri Serawa Budol (25 taun), Direktor Mampu pampang Sarawak Dr Dusit Jaul (38 taun) enggau Direktor Opis Berikan Tasik Sarawak, Belayong Nyuak (32 taun).

    Nangkan ke nya bisi 27 penerima ti udah gawa lebih ari 35 taun lalu empat penerima lebih ari 40 taun gawa di opis/ejensi sida empu.

    Penerima lebih 40 taun iya nya Awang Radin Awang Dee (Kaunsil Pelilih Subis), Maning Nyundet (Opis Berikan Tasik Sarawak), Faridah Ibrahim (Polis DiRaja Malaysia) enggau Dora Nyangga (Opis Pengerai Nengeri Sarawak).

    MERI SERVIS KE RAYAT: Penerima PPS ari Kaunsil Pelilih begambar ungkup kenang pengudah pengawa nya.
    Sama bisi datai Sekretari Perintah Nengeri, Tan Sri Datuk Amar Mohamad Morshidi Abdul Ghani. #UtusanBorneo

    No comments

    Post Top Ad

    Deka nemu berita benung #TRENDING tauka #VIRAL ninting hari:

    Post Bottom Ads


    Deka nemu berita benung #Viral ninting hari: