500 iku raban SIDS Sibu ngulu Pengerami ‘Membership Nite’ - Berita Iban Online

Header Ads

  • Baru Nyadi

    500 iku raban SIDS Sibu ngulu Pengerami ‘Membership Nite’

    Alice Jawan Empaling
    SIBU: Penegut kaul entara pangan diri lebih 500 iku raban Sarakup Indu Dayak Sarawak (SIDS) Sibu berupai tebantai maya Pengerami SIDS Sibu ‘Membership Nite’.

    Pengerami nya diatur ba sebuah restoran tebilang ditu kena malam hari Enam tu tadi.

    Ba pengerami tu, Sekretari Mendam ba Opis Menteri Perengka Guna Mensia Mayuh ti mega Chairperson SIDS Sibu Dato Ir Alice Jawan nyadi temuai dipebasa pengerami nya.

    Macham bengkah program pemerindang enggau pengerami bisi diatur maya tu.

    Sekeda ari batang program sida iya nya mandangka ngepan kelimpah program panggau ke bukai.

    Ba pekara bekaul, ari pegai Alice, naka ke diatu serakup sida bisi urung 1,200 iku raban.

    Serakup sida mujur mandangka pengeransing ngemeratka pemujur pelajar, adat enggau main asal sereta chakah bejalaika tanggungpengawa begulai enggau mensia mayuh.

    Tu bela nyengkaum chakah ngeringka kaul serakup begulai enggau gerempung ukai dikuasa perintah (NGO) ke bukai kelimpah endang ngembuan kaul ke manah begulai enggau ejensi perintah.

    Pengerami malam nya bela digulu Penyanding Penemu serakup Catherine Nain enggau Sapit Chairperson Angelyn Uchi Maseng sereta bala raban exco ke bukai. #UtusanBorneo

    No comments

    Post Top Ad

    Deka nemu berita benung #TRENDING tauka #VIRAL ninting hari:

    Post Bottom Ads