Header Ads

  • Berita Tebaru

    Agih belanja RM1 bilion dikena ngaga sekula ukai pekara baru

    Dato Sri Michael Manyin
    Manyin mega madahka agih belanja RM1 bilion nya enda chukup laban S’wak bisi 415 buah sekula ke udah balat jai.

    KUCHING: Agih belanja RM1 bilion dikena ngaga sekula baru di Sarawak ke dibantai Menteri Besai ba Bajet 2018 ukai pekara baru, ku Menteri Pekara Pelajar, Sains enggau Pansik Teknologi Dato Sri Michael Manyin.

    “Agih belanja nya udah dulu dikemendar sebedau bajet laban kitai udah lama nagih ke alai ba aum ke penudi bejuraika sentang pekara nya kena 9 Oktober tu tadi.

    “Kitai udah berundingka chara melanja duit nya dalam timpuh berapa bulan ke udah,” ku iya.

    Manyin mansutka jaku nya nyaut tanya pengarang berita pengudah bejadi Konvokesyen Sistem Latih Dual Nasional Renggat Negeri Sarawak ke diatur di BCCK ditu, kemari.

    Ngenang kaul ke sama, iya madahka agih belanja RM1 bilion nya enda chukup laban Sarawak bisi 415 buah sekula ke udah balat jai.

    Ku iya Sarawak begunaka RM4 bilion enti deka nganti semua sekula ke udah balat jai nya enggau sekula baru.

    “Enti kitai deka ngaga semua sekula nya nitihka standard, Sarawak begunaka RM4 bilion lalu kitai deka nagih laluh RM3 bilion ari Perintah Besai.

    Iya nambah pekara nya udah dikerandau enggau Opis Kereja Raya(JKR) ke alai pengawa ngaga seiti sekula ke disikap enggau ‘lab’ sereta rumah endur bemalam begunaka belanja RM20 juta.

    Nengah agih belanja RM1 biliun ku Manyin, Sarawak semina ulih ngaga 40 tauka 50 iti sekula aja.

    “Kitai udah berandauka chara melanja duit nya lalu ba maya ke diatu kitai deka ngaga seiti sekula ba tetiap konstitusyen,” ku Manyin nandu. #UtusanBorneo

    No comments

    Post Top Ad

    Deka nemu berita benung #TRENDING tauka #VIRAL ninting hari:

    Post Bottom Ads


    Deka nemu berita benung #Viral ninting hari: