Ampuh bah ngenyit ke suah nuntung balat ngenusah peranak Rh Morgan, Benang. - Berita Iban Online

Header Ads

  • Baru Nyadi

    Ampuh bah ngenyit ke suah nuntung balat ngenusah peranak Rh Morgan, Benang.

    UMBAS IYA PENALAM: Bekau peninggi tikas ai dipeda ba tiang semin.

    BELURU: Peranak Blok C Rumah Morgan beguai nyelamatka kayu ramu sida enggau utai bukai, jelu tupi, keresa tetiap kali ampuh bah ngenyit nyadi.

    Penusah ampuh bah ngenyit majak suah nyadi enggau gaya hari ti enda tentu, sebengkah fenomena ketegal penanggul ba entali ai pengudah jalai Beluru dikemanah.

    “Pekara tu sebaka enggau rumah panjai Benang ti suah kena ampuh bah dulu suba laban enda tetampungka pemayuh ai,” pia ku siku peranak dia, Bajak.

    Rumah tu suah ampuh maya musim pengujan nyentukka opis bekuasa nutup sambung paip sereta ngengkah kelebat ba parit dikena nentuka alir ai lanchar di baruh jalai Beluru-Lapok.

    “Tetiap kali nyema bisi ujan bangat, kami nyikap diri sereta bejejaga enggaika bah ngenyit nyadi lalu peneras ai tau nabanka kayu ramu enggau utai bukai,” ku iya.

    Beberapa kambut semin enggau barang ke bukai mega tau rarat dibai ai kelimpah ari jelu tupi ke bisi dalam kurungan.

    Penusah pemadu baru nyadi kena Hari Lima nyin tadi.

    Penusah tu mega suah nyadi ba jalai tebing tasik antara Suai enggau Miri pengudah jalai nya tembu digaga, ngujungka opis bekuasa minta mayuh agi kelebat dikena ngaga parit.

    Rumah Morgan semina sebatu penyauh ari jalai Beluru, ke alai peranak nirika bansal di semanjai tisi jalai.

    Injinir Opis Kereja Raya (JKR) Bagi Menua Miri, Chong Chi Fam lebuh dikerandau madah sebana pasal Blok C ti suah napi penusah bah tunggal deka dipansik nitihka pematut. #UtusanBorneo

    No comments

    Post Top Ad

    Deka nemu berita benung #TRENDING tauka #VIRAL ninting hari:

    Post Bottom Ads