Anang enda komited bedagang. - Berita Iban Online

Header Ads

  • Baru Nyadi

    Anang enda komited bedagang.

    KUCHING: Raban orang ti deka ngepunka dagang meseti ngembuan komitmen ti tinggi ba dagang sida, ku Kaban Kunsil Nengeri(ADUN) Tupong Fazzrudin Abdul Rahman.

    Bejaku rambau ngulu ‘Program Strategi Peningkatan Skala Bisnes’ ke diatur Institut Keusahawan Negara(INSKEN) ditu, kemari, iya madah semina nengah komitmen tinggi aja juluk ba pekara dagang ulih dijapai.

    “Keterubah kitai meseti ngembuan komitmen. Udah nya kitai mega meseti ngembuan pengering sereta liat ati ba pekara dagang.

    “Dagang kitai dikereja enggau strategi manah lalu semua tu deka nentuka kitai bulih pemujur,’ku iya.

    Ngenang kaul ke sama, Fazzrudin ngelalau raban penyereta program ngambika sida seruran ngulihka penerang ke bisi disedia perintah.

    Ku iya perintah bisi nyendia mayuh program bantu ngagai orang dagang lalu bantu tauka penerang nya tau mantu ngeringka dagang sida.

    “Kitai mega ulih nguna internet ba atur ngelaku dagang lalu tu seiti pekara ti meseti diguna enggau manah,’ku iya nandu.

    Program INSKEN kemari diatur enggau tuju nyadung penerang sentang servis enggau inisiatif ke bisi disedia ijinsi perintah nyengkaum mayuh bengkah inisiatif ke diberi TERAJU enggau MIED.

    Sekeda orang dagang ke udah mujur bisi mega dikangau bekunsi peneleba, pekara ke ditempuh sereta pemar sekumbang nyadi orang dagang.

    INSKEN bela ngundang Pakar Motivasyen Dato Dr Mohd Fadzillah Kamsah bekunsi chara nyadi orang dagang bepelasarka chara Islam.

    Bela datai Direktor Eksekutif INSKEN Muhd Firdaus Azharuddin enggau orang bukai. #UtusanBorneo

    No comments

    Post Top Ad

    Deka nemu berita benung #TRENDING tauka #VIRAL ninting hari:

    Post Bottom Ads