Apai indai patut ngemataka anak lebuh ngena internet. - Berita Iban Online

Header Ads

  • Baru Nyadi

    Apai indai patut ngemataka anak lebuh ngena internet.

    Ngena internet enggau tuju ti salah entara siti ari pun penanggul rama ti majak nyadi di menua tu.

    SRI AMAN: Pengawa bekenaka internet ti enda dikemata nyadi siti ari pun penanggul rama ti majak nyadi ngagai bala komuniti di menua tu, pia ku Menteri Pemansang Indu, Ruang Bilik enggau Komuniti Malaysia, Datuk Seri Rohani Abdul Karim.

    Ku iya, pengawa bekenaka internet enda dikemata ngasuh sida muntang agi nadai tanggungpengawa muka website ti enda patut dipeda lalu tu ngujungka penanggul rama majak suah nyadi.

    “Ba pekara tu, apai indai patut enda nejuka bala anak sida ngena internet nadai tuju enggau kebuah dataika sida meda website ti enda patut dipeba raban nya.

    “Apai indai mega patut matau penanggul ke bisi nyadi lalu anang sesekali nejuka bala anak sida muka internet sepeneka ati laban pekara ti dibantai ba sebarang ‘website’ tau ngerusak runding sida,” ku iya.

    Rohani ke mega Kaban Parlimen (MP) Batang Lupar manustka jaku nya lebuhka bejaku bejadika Pejalai Program Pelajar Pengelikun Ruang Bilik enggau Anak (PEKA) diatur begulai Opis Menteri Pemansang Indu, Ruang Bilik enggau Komuniti (KPWKM), Komiti Peranak Pemansang Ruang Bilik Menua (LPPKN) enggau Opis Pemansang Mensia Mayuh (KEMAS) Sarawak bepalan di Masjid Al-Hanna, Lingga semak ditu, kemari.

    Nitih ku iya, tetiap pekara ti dibantai ba website tauka internet tau ngerusak runding sida lalu ngasuh sida tu nguji pekara ti baru.

    “Tu pangka ari ulah bekenaka internet nadai betatak, enda ditemu tauka dipantau apai indai ngujungka bala anak sida nguji sereta tau ngerusak sida, tempawah ngereja ulah enda menuku,” tandu iya nyemetak.

    Iya mega ngingatka apai indai enda meri perengka guna sepeneka ati ngagai bala anak baka meli telefon binching lalu bala anak muntang muka internet.

    “Bala anak kitai patut dipantau kelebih agi ba pejalai sida.

    Sapa bagi dikaul sida, tauka bakih sida enggau ke bukai, nentuka penanggul rama enda malut sida,” ku iya.

    Nya alai iya ngarapka penanggul rama ba komuniti kemaya hari ulih diputar enggau jampat ngaul semua komuniti, ejensi perintah, ejensi ukai dikuasa perintah enggau ke bukai.

    Sama bisi datai Sapit Ketuai Sekretari KPWKM, Azman Yusuf, Chairman LPPKN, Datuk Mariamas, Ketuai Direktior Opis Pemansang Orang Indu, Datuk Yatimah, Direktor Palan Rama Malaysia (ISM), Dr. Al-Azmi, Direktor LPPKN Sarawak, Rohaini sereta Pemangku Direktor KEMAS Sarawak, Dayang Monalizawati Ismail. #UtusanBorneo

    No comments

    Post Top Ad

    Deka nemu berita benung #TRENDING tauka #VIRAL ninting hari:

    Post Bottom Ads