Bekal ai di Betong, Spaoh enggau Debak deka tejanggal, timbun ai sebedau 11 Oktober tu - Berita Iban Online

Header Ads

  • Baru Nyadi

    Bekal ai di Betong, Spaoh enggau Debak deka tejanggal, timbun ai sebedau 11 Oktober tu

    BETONG: Opis Bekal Ai Menua Pesisir Pelilih Betong ngelalau mensia mayuh ke diau ngelingi Betong, Spaoh enggau Debak nimbun ai chukup ungkup guna diri ketegal bekal ai deka tejanggal berengkah 11 nyentuk ngagai 12 Oktober.

    Injinir Pelilih Betong Aaron Gorino lebuh dikerandau ngesahka jaku tangkan nya ti udah disadung ngagai ketetiga kandang endur.

    “Sigi amat bisi penusah bekal ai munyika dipadah ba jaku tangkan ke alai tebal agi kandang endur ke kena bungkur penusah nerima bekal ai ari Palan Pemeresi Ai Lubau.

    “Bekal ai bisi tejanggal ketegal pengawa ngaga sereta nganti tangki ai ba palan pemeresi nya,’ku iya.

    Iya madah bekal ai ungkup timpuh dua hari nya deka tejanggal urung jam 9 lemai lalu deka pulai manah baka selama bepanggai enggau pengelangkas nembuka pengawa.

    “Kitai ngarap ulih nembuka kereja enggau lengkas lalu ngelalau mensia mayuh ba kandang endur ke kena bungkur nyimpan chukup ai ungkup guna diri dalam timpuh nya,”ku iya nandu.

    Sebarang tanya tau dikenatai ngagai lumur 083 -472312 tauka 083-472314 maya jam kereja. #UtusanBorneo

    No comments

    Post Top Ad

    Deka nemu berita benung #TRENDING tauka #VIRAL ninting hari:

    Post Bottom Ads