Bemacham asil pengelandik jari dijual ba Ekspo Kraf Bintang Megamall di Miri. - Berita Iban Online

Header Ads

  • Baru Nyadi

    Bemacham asil pengelandik jari dijual ba Ekspo Kraf Bintang Megamall di Miri.

    BEKUALITI: Terabai digaga ari kayu, terabai komuniti Iban.

    MIRI: Bemacham aksesori manik, kraf jari enggau jemari kayu udah dijual rambau Ekspo Kraf lima hari berunggu ti berengkah ari Hari Tiga tu tadi di Bintang Megamall ditu.

    Diatur Kaunsil Kraf Sarawak, tuju ekspo dikena meri peluang ngagai pengeluar kraf jari enggau perunchit dikena ngelaku enggau nyual produk sida.

    Minggu Kraf mega diatur dikena ngadaka penyedar enggau minat ba produk kraf jari di Sarawak tu empu seraya ngadaka aktiviti ekonomi ungkup komuniti di menua tu.

    Bisi 52 bansal ari mayuh bagi menua di Sarawak ngambi bagi dalam ekspo ti mantaika produk kraf jari tulin Sarawak digaga komuniti ditu empu.

    Sekeda ari kraf jari ti bisi dibantaika di ekspo iya nya terabai kayu, ayam bakul, kraf jari uku, produk ari wi, bemban, kayu, manik, buluh enggau kain sereta mega pekayan asal, semina nyebut sekeda aja.

    Bala sida ti nyual potret mega bisi ngaul diri ari artis di endur nya, siku ari pesereta ekspo.

    Minggu Kraf nyadi program ninting taun ba ujung minggu keterubah bulan Oktober, ninting taun. Iya diatur begintir di mengeri besai di Sarawak lalu taun tu Miri udah dipilih nyadi pengatur.

    Kelimpah ari kraf jari, bela bisi dijual sereta dipandang di ekspo iya nya nyura batik enggau jemeri ari kayu tebelian baka mija enggau bangku.

    Mensia mayuh ditesau datai napatka ekspo tu ti diatur berengkah ari pukul 10 pagi nyentuk pukul 10 malam, ninting ari, berengkah ari 4 ngagai 8 Oktober. #UtusanBorneo

    No comments

    Post Top Ad

    Deka nemu berita benung #TRENDING tauka #VIRAL ninting hari:

    Post Bottom Ads