Jurulatih dituduh ngerugol siku atlit lumba terjun - Berita Iban Online

Header Ads

  • Baru Nyadi

    Jurulatih dituduh ngerugol siku atlit lumba terjun

    HUANG Qiang (Kiba) enda ngaku diri salah -Gambar Mohd Yusni Ariffin

    Kuala Lumpur, Siku jurulatih Kesatuan Renang Amatur Malaysia (ASUM) di tuduh ba Mahkamah Sisyen ditu saritu, atas penyalah ngerugol siku atlit lumba terjun ai bulan 9 tu kemari.

    Huang Qiang, 35, ia ke udah kala nyadi juara dunya enda ngaku salah lalu minta di becharaka baru senentang enggau kes ia nya, dibacha juru ngalih bahasa dalam jaku mandarin ba depan Hakim Wan Mohd Norisham Wan Yaakob.

    Tertuduh kala menang pingat emas lumba terjun 10 meter seirama ba pekit Kejohanan Terjun Dunia FINA tahun 2000 begulai enggau kaban semenua ia ari China masa nya.

    Nitihka surat urang ti nuduh, Huang di tuduh ngerugol atlitnya, ti berumur 20 tahun ba dalam Gimnasium Terjun, Kompleks Akuatik Sukan Negara, Kompleks Sukan Bukit Jalil, Sri Petaling, ditu, jam 5.30 lemai, 26 September kemari.

    Huang Qiang didakwa nitih Seksyen 376(1) Kanun Keseksaan, ti ulih kena tama jil maksimum 20 tahun lalu kena sipat, enti di tuduh besalah.

    Mahkamah meri awak tertuduh diikat jamin RM50,000 enggau dua iku penyamin, begulai enggau sarat lebih paspot deka diserahka ngagai mahkamah lalu ngelapor diri ngagai balai polis 2 kali setiap bulan.

    Tertuduh mega enda tau ngachau, nguntik enggau ngugut saksi lalu 6 ari bulan sebelas tu nyerahka surat/dokumen lalu bechara baru pasal kes tu.

    Bala polis mai Huang Qiang ke Mahkamah Sesyen, Kuala Lumpur, saritu. -Gambar Mohd Yusni Ariffin

    No comments

    Post Top Ad

    Deka nemu berita benung #TRENDING tauka #VIRAL ninting hari:

    Post Bottom Ads