Bisi 75 iku nembiak tadika nyereta Pekit Nyura nyerumba BIKF Ke-13 - Berita Iban Online

Header Ads

  • Baru Nyadi

    Bisi 75 iku nembiak tadika nyereta Pekit Nyura nyerumba BIKF Ke-13

    BINTULU: Urung 75 iku nembiak tadika nyereta Pekit Nyura beserimbai enggau Festival Gudi Antarabansa Borneo Bintulu (BIKF) ke-13 ba Paruk Vaie Taba Padang Bilun Lama Bintulu kemari.

    Raban pesereta tu nembiak tadika ari Tadika Permata Kasih Taman Li Hua Bintulu, Tadika Bestari, Tadika Pimpin, Tadika Anakku, Tadika Tahfiz Al-Amin, Teacher Zue Place, Pra Sekolah Sekolah Kebangsaan (SK) Kidurong, Pra Sekolah SK Agama, Pra Sekolah SK Kampung Baru enggau Tabika Kemas Kampung Baru.

    Pekit diatur Serakup Pengeraja Asal Jerita Lama enggau Main Asal Vaie Bintulu (BAWARIS), Gerempung Orang Bedaja Mit Bumiputera Sarawak (PKBS) Bintulu enggau Gerempung Pemantu enggau Pengajar Nembiak Mit Bintulu (PAKB) ti ngemataka Maxwell Wong ari Tadika Pimpin mujur nyadi champion lalu iya nerima perais RM80 enggau perais bukai.

    Lumur dua Sharon Hee Ru Shine (Tadika Pimpin) nerima RM50 enggau perais bukai, udah nya lumur tiga Irene Kong Hui Xuan nerima RM30 enggau perais bukai.

    Perais pengaga ati diberi ngagai Tang Ya Mei, Nee Shin Yaw, Chin You Mei (Tadika Pimpin), Ardini Hakimi, Dygku Nur Diana (Tadika Bestari) enggau Siti Batrisya serta Mia Azwa (Tadika Anakku).
    Semua perais ungkup bala pemenang disuaka Chairman BAWARIS, Kairulnieza Waynie, Chairman PAKB, Maraini Jaafar enggau pengari PKBS, Mohidi Selet.

    Nitihku Maraini, program nya enda disadang nerima timbal ke chukup manah ari bala nembiak ti ngemataka penatai urung 300 iku nembiak nyengkaum apai indai sida. #UtusanBorneo

    No comments

    Post Top Ad

    Deka nemu berita benung #TRENDING tauka #VIRAL ninting hari:

    Post Bottom Ads