Bobby: PRS agi saru nentuka bagi chalun di Selangau, Lubok Antu. - Berita Iban Online

Header Ads

  • Baru Nyadi

    Bobby: PRS agi saru nentuka bagi chalun di Selangau, Lubok Antu.

    SIBU: Ketuai Pemadah PBDS Baru, Bobby William ba penerang iya madahka sebarang bagi chalun ti dipilih Parti Rakyat Sarawak (PRS) ba sitak parlimen P203 Lubok Antu enggau P214 Selangau enda nerima sukung penuh ari raban parti.

    Nitihka penerang ari Bobby, PRS ba dua bengkah sitak tu saru runding nentuka chalun sida sekalika ngenan dekaka penyandang ke diatu tauka nuduk pengari indu.

    “Berindik ari pekara tu, barang sapa ti bediri ngarika PRS enda nerima sukung penuh ti ngujungka undi pan pambar. Nya alai, nadai guna meri peluang ngagai PRS, undi mih PBDS ba dua sitak tu laban kami endang bebendar ngeringka bansa”, ku Bobby madah.

    Kemari ba penerang media, presiden PBDS Baru Cobbold John mega minta PRS anang bekelikuh nentuka chalun ti disatup sida.

    Ba penerang berita ke bukai, ADUN Tamin, Christopher Gira mega bisi mansutka penemu ke alai sukung nembiak baru semina 50 peratus aja ngagai Datuk Joseph Entulu.

    “Ba ditu kitai meda, sapa James Masing ke bendar. Nembiak rebak baru ukai semina patut nukar parti PRS tang mega sama numbangka James Masing ari politik”, pia ku Bobby.

    James Masing ke mega Sapit Kepala Menteri siku orang ti ngempu tanggungpengawa mechahka PBDS suba, lalu diatu berupai endar deka ngelabuhka politik Datuk Joseph Entulu ke mega kaban lama iya.

    “Iya patut nyurutka diri ari dunya politik Dayak laban tuju iya semina ngangkatka diri tang ukai bansa Dayak”, Bobby madah. #UtusanBorneo

    No comments

    Post Top Ad

    Deka nemu berita benung #TRENDING tauka #VIRAL ninting hari:

    Post Bottom Ads