Desmond ngining penuduk sitak Parlimen Lubok Antu. - Berita Iban Online

Header Ads

  • Baru Nyadi

    Desmond ngining penuduk sitak Parlimen Lubok Antu.

    KUCHING: Desmond Sateng Sanjan, peranak asal Lubok Antu ngining sitak Parlimen Lubok Antu ngarika Barisan Nasional(BN) ba Pengawa bepilih Besai ke-14(GE14).

    Dalam timpuh berapa bulan ke udah, iya bisi bejalai betemu enggau rayat di sekeda rumah panjai dalam konstitusyen lalu bekunsi sentang perambu pemansang ungkup konstitusyen.

    Pemadu baru, iya udah nemuai ngagai Rumah Jarop, Changkol iya nya kena Hari Minggu nyin tadi lalu penemuai iya disambut peranak rumah panjai nya.

    Ari timbal mensia mayuh,singkang Desmond ba pengawa politik bisi nerima sukung.

    Desmond,55, ada di Nanga Entabuloh,Ulu Delok di Batang Ai.

    Tajapia, sida sebilik enggau peranak bukai ari rumah panjai ke besemak ke enda jauh ari adan Indonesia pindah ngagai palan pengentap pendiau Skim Skrang ba maya konfrantasi(1963 - 1966).

    Nengah embing manah ari sida sebilik enggau raban komuniti, Desmond angkat besai lalu nyadi orang korporat.

    Desmond kala mangku pengawa nyadi Menijar Bank lalu diatu nyadi ‘senior lecturer’ enggau ketuai ‘School of Business and Accounting’ ba sebengkah palan pelajar tinggi pribit di Kuching.

    Iya ngembuan ‘Master’s Degree in Business Administration’ ari Universiti Heriot-Watt, United Kingdom.

    Entara sekeda ke datai ngulu pengawa di Changkol nyengkaum Mandal Chairman I Parti Rakyat Sarawak (PRS) pampang Batang Ai Kunsilor Naka Indap enggau kaban exco pampang Temeling Jua, Penghulu Lembang Bagong enggau raban tuai rumah sereta raban kunsilor ari gempung parti BN.

    Naka lebuh ke bejaku madahka Desmond ngembuan peneleba ba pengawa bank sereta pengelicha pengelama 30 taun.

    “Nambahka nya, iya mega bisi mayuh bala kaban di Batang Ai enggau Engkelili, kededua sitak DUN ti numbuhka parlimen Lubok Antu,’ku Naka.

    Bejaku ba pengawa ke sama, Temeling madah Desmong ngembuan pengelandik ngadu pengawa begulai enggau ketuai ari Perintah Besai.

    Pekara nya ku Temeling ulih mai pemansang infrastruktur ti dikedeka peranak di Lubok Antu.

    Sapit Chairman PRS Batang Ai Kunsilor Agas Thomas lebuh dikerandau madah Desmond bisi pengering enggau peneleba ke diulih lebuh gawa ba kompeni, lalu ulih mega meri servis ba konstitusyen Lubok Antu. #UtusanBorneo

    No comments

    Post Top Ad

    Deka nemu berita benung #TRENDING tauka #VIRAL ninting hari:

    Post Bottom Ads