Empat iku nembiak deka ngarika Sarawak ba ‘Anugerah Nilam’ Renggat Menua taun baru - Berita Iban Online

Header Ads

  • Baru Nyadi

    Empat iku nembiak deka ngarika Sarawak ba ‘Anugerah Nilam’ Renggat Menua taun baru

    KOTA SAMARAHAN: Empat iku nembiak ari empat sekula deka ngarika Sarawak ba ‘Anugerah Nilam’ Renggat Menua ba bulan April 2018.

    Sida empat iya nya Chris Alvin Terence ari Sekolah Menengah Kebangsaan (SMK) St Luke,Sri Aman, Sim Li Yan(Sekolah Kebangsaan St Joseph, Miri) Gwen Angel Unoi Gulin(Sekolah Jenis Kebangsaan (SJK) Cina Chung San, Miri)enggau Walter Jeremiah Law Shuo Wang ari SMK Batu Lintang, Kuching.

    Sida dipilih ketegal ti udah nyadi champion ungkup tetiap kategori ke bisi dipekit ke alai Chris menang ba kategori Sekula sekondari Bahasa Melayu, Sim ba kategori Sekula Primari Bahasa Melayu.

    Gwen menang ba kategori Sekula Primari Bahasa Inggeris lalu Walter menang ba kategori Sekula Sekundari Bahasa Inggeris.

    Pengawa nyuaka gelar champion nya kemari dikemujur Residen Pelilih Samarahan, Brahim Lumpu di Dewan Suarah ditu.

    “Sehari tu kitai ngemujur pengawa nyuaka gelar champion ungkup empat kategori ke bisi dipekit ke alai champion deka ngarika Sarawak ba Anugerah Nilam Renggat Menua,’ku Direktor bagi Teknologi Pelajar Nengeri Shirini Mastura Mohamed Zulkifli.

    Iya nambah, program ke dipungkal ba taun 1999 nya dikearap ulih nerenak pengerindu macha ba runding nembiak sekula.

    Ungkup taun tu Kem Nilam ku Shirini dipasuk 44 iku nembiak sekula primari enggau sekondari ari 11 pelilih menua. #UtusanBorneo

    No comments

    Post Top Ad

    Deka nemu berita benung #TRENDING tauka #VIRAL ninting hari:

    Post Bottom Ads