Header Ads

  • Berita Tebaru

    Festival Danau Sentarum deka diatur 25-28 Okt ba Kapuas Hulu, KALBAR

    NEMUAI MIH KE PUTUSSIBAU: Mandal Datuk Bandar Sambas, Hairiah SH (dua kanan) pengudah nyarungka ‘tengkolok’ ba pengari ari opis JPJ Sarawak, begambar enggau Jalhar (kiba) enggau Pegawai Opis Dagang Temuai Indonesia, Ibu Ni Putu Gayatri (kanan).
    KUCHING: Sebengkah ari program ngangkatka dagang temuai Indonesia, ‘WonderfulIndonesia’ dikumbai ‘Festival Danau Sentarum’ deka diatur berengkah 25 ngagai 28 Oktober bepalan ba garisentara menua, iya nya di Kapuas Hulu, Kalimantan Barat (KALBAR).

    Putussibau, pasar besai di Kapuas Hulu, semak agi ditengah enti penatai dilawa ari garis menua, Lubok Antu, Sri Aman.

    Konsul Jeneral Indonesia Sarawak bepalan di Kuching, Jalhar Gultum madahka festival tu bepalan ba Putussibau, Kapuas Hulu, KALBAR, entara sitak menua ke semak agi enggau Sarawak, sereta nitihka legenda tauka cherita asal orang kelia, penatai bansa Iban sigi datai ari Batang Kapuas.

    “Sitak menua Kapuas Hulu dikelai nyadi ‘Kabupaten Konservasi’ alai, pengudah sitak ‘Heart of Borneo’ (HoB) dalam taun 2007 dikelai nyadi sitak (konservasi) sereta pemansang ke nyengkaum pulau Borneo (Brunei, Indonesia enggau Malaysia, Kapuas Hulu nyadi sebagi ari entara tiga sitak menua di KALBAR ke disengkaum nyadi sitak HoB, ke matak sida ke rindu ke rampa menua datai ngagai endur tu.

    “Pemansang pengawa dagang temuai kelebih agi bekait enggau rampa menua nyadi siti strategi pemansang sitak menua tu, ke ngipak (konservasi). Pengawa dagang temuai ke bekait enggau rampa menua tu mega ngangkatka ekono mi ari sitak (konservasi) baka taman negara sereta pemesai kampung ke dijaga di sitak Kapuas hulu nengah pemanah rampa menua sereta belajar pasal pemisi ekosistem ke nyelai,” ku Jalhar seraya madah madah Kapuas Hulu udah netapka program pemansang dagang temuai nyadi siti program ke berat.

    Ngelansa pasal ‘Festival Danau Sentarum-Betung Kerihun’ (DSBK) nyadi siti ari pemerat meri kelala dagang temuai din Kapuas Hulu.

    “Nya alai, pemisi pengerami baka tu (sebagi ari Wonderful Indonesia), nyadi pemerat ngangkatka dagang temuai ba mensia mayuh kelebih agi ari Sarawak ke semak endar enggau garis menua Putussibau tauka ari Pontianak, ngangkatka dagang temuai di sitak menua nya ke tebilang enggau rampa menua sereta adat pesaka sida iya, nyengkaum nyadi pelang ekonomi ke komuniti dia,” ku iya.

    Pengerami DSBK 2017 berengkah digaga ari bulan Mei 2017, enggau sekeda rintai program baka pengerami entara garis menua, tembawang sereta sekeda atur program bukai.

    Pegerami DSBK 2017 digaga begulai enggau Perintah pelilih menua Kapuas Hulu, baruh pegai Opis Menteri Dagang Temuai, Balai Besar TNBKDS, POLDA KALBAR, POLRES Kapuas Hulu, Lembaga Swadaya Komuniti (LSM) enggau raban korporat bukai ke gawa di Kapuas Hulu baka TFCA-Kalimantan, MCAL, ITTO, ADB, WWF-I, Konsorsium Diantama, Riak BRI, Hotel Mercure, West Borneo Tourism Forum, Sampan, enggau KMTB.

    “Konsep pengerami sekali tu mega bisi nyelai ari ke udah, nengah pemerat betatika dagang temuai, ngangkatka seni, adat pesaka komuniti Kapuas Hulu, enggau ekonomi kreatif nengah pengawa pemandang, sereta pekit produk komuniti, ari pengelandik jari tauka utai pakai, sereta meri kelala sitak Danau Sentarum niti danau nya.

    “ Sida ke rindu bebelika perengka guna ngepan Iban pan sama diperansang datai ngagai pengerami tu,laban di Putussibau tu meh alai ke mayuh agi ngaga perengka guna ngepan Iban,” ku iya.

    Kelimpah ari nya, entara atur pengawa bukai bisi pengawa pemerindang ke bisi mai artis Zaskia Gokia ari Jakarta, Indonesia merindang mensia mayuh nyengkaum musik tradisional bukai baka Sape sereta mayuh macham ajat ke nyelai ari sitak bukai di Kapuas Hulu, pekit nyumpit, main Gasing, lumba perau, pekit manduk pemakai tradisional, pekit ngirup ai manyi organic, sereta betanam pun kayu.

    Ke nyadi (highlight) dalam timpuh pengerami nya, ngelawa Danau Sentarum ngena kapal Bandong.
    Sama bisi datai bala pemesai ari PDRM (Polis Diraja Malaysia), Kastam & Eksais, Opis Pengangkut Jalai Sarawak, sereta bala pemesai ari Opis Dagang Temuai Indonesia. #UtusanBorneo

    No comments

    Post Top Ad

    Deka nemu berita benung #TRENDING tauka #VIRAL ninting hari:

    Post Bottom Ads


    Deka nemu berita benung #Viral ninting hari: