Hari Pahlawan 2017’ mujur diatur di Kompleks Kunsil Nengeri Baru. - Berita Iban Online

Header Ads

  • Baru Nyadi

    Hari Pahlawan 2017’ mujur diatur di Kompleks Kunsil Nengeri Baru.

    NGENANG PENGAWA SERETA PEMENDAR BUJANG BERANI: Taib ngaga (Pemeriksaan Pasukan Kawalan Kehormatan Utama), ke di sempulang ulih tuai pemesai polis.

    KUCHING: Atur pengawa ngintu Hari Pahlawan 2017 ke disambut kemari udah dimunka Tuai Pemegai Menua (TYT) Yang Dipertua Negeri, Tun Pehin Sri Abdul Taib Mahmud di luar laman Komplek Kunsil Nengeri (DUN) (Baru) ditu.

    Atur pengawa di pun enggau raban Kawalan Kehormatan Utama sereta Pancaragam Sedadu Malaysia (Angkatan Tentera Malaysia tauka ATM) masuk padang, lalu ditangkan enggau lagu ‘Negara Ku’ sereta ‘Ibu Pertiwiku’.

    Nangkan nya, Taib mega bisi ngaga Pengawa Meresa Pasukan Kawalan Kehormatan Utama, lalu pengudah raban sedadu nya udah pansut ari padang, seiku raban sedadu lalu nyepu ‘Last Post’ (tambai Jalur Gemilang lalu diturunka).

    Kelimpah ari nya, atur pengawa bukai nyengkaum raban Polis Diraja Malaysia (PDRM) bisi mantaika pengelandik sida, lalu ditangkan enggau macha ‘Sajak Pahlawan’ sereta nyepu ‘Rouse’ (Jalur Gemilang ditikika baru).

    Ba atur pengawa nya kemari, Tuan Pemegai Menua, Tun Pehin Sri Abdul Taib Mahmud mega bisi meri midul, Pingat Jasa Malaysia (PJM) ngagai urung 75 iku raban (enforcement), sereta 75 iku agi penerima Pingat Jasa Pahlawan Negara (PJPN).

    Semua atur pengawa nya kemari, Komiti Istiadat Hari Pahlawan 2017, diatur bechairmanka Panglima 1 Divisyen, Mejar Jeneral Datuk Stephen Mundaw, Kepala Polis Sarawak, Datuk Amer Awal enggau pampang Protokol enggau Perhubungan Awam Sarawak, Dato Khir Busrah.

    Hari Pahlawan digaga kena ngenang pengawa semua raban pengelikun, baik nya polis tauka sedadu dalam pengawa sida iya ngetanka pengeraja menua ari munsuh.

    Nitihku jaku ari synopsis Hari Pahlawan, bujang berani patut nyadi sejarah ke seruran dikenang laban udah ngaga (ketamadunan) menua .

    “Pengawa raban pengelikun baik nya jeman sebedau merdeka tauka udah merdeka terus nyadi pemerat ke pemungkal dalam isi sejarah menua,” ku synopsis nya.

    Ninting taun, kena 31 Julai, menua tu deka nyambut pengerami tu ke betuju ngenang pengawa sereta pemendar (pengorbanan) bujang berani dalam pengawa sida iya ngetanka pengelikun sereta pengeraja menua tu.

    Sama bisi enggau ngulu atur pengawa nya kemari, bini Tuai Pemegai Menua, Toh Puan Datuk Amar Ragad Kurdi Taib, Sapit Kepala Menteri Datuk Amar Douglas Uggah enggau bini iya, Datin Amar Doreen Mayang, Menteri di Opis Kepala Menteri (Integriti enggau Ombudsman) Datuk Talib Zulpilip enggau bini iya, Datin Zaleha Abdullah, Menteri Muda Pengelantang Pendiau enggau Komuniti, Datuk Francis Harden enggau ADUN Demak Laut, Dr. Hadzlan Hipni. #UtusanBorneo

    No comments

    Post Top Ad

    Deka nemu berita benung #TRENDING tauka #VIRAL ninting hari:

    Post Bottom Ads