Industri pos, kurier sereta logistik majak ngerembai nengah PTPSS - Berita Iban Online

Header Ads

  • Baru Nyadi

    Industri pos, kurier sereta logistik majak ngerembai nengah PTPSS

    MUTO BARU: Jailani (dua kanan) ngelepas unit posmen pos, posmen pos laju enggau pos mindah rambau Hari Pos Sedunya 2017 di Kuching kemari.

    KUCHING: Kerejasama Opis Menteri Komunikasyen enggau Multimedia Malaysia begulai enggau Komiti Komunikasyen enggau Multimedia Malaysia (SKMM) deka nentuka Pos Malaysia mengkang diguna sereta tegap.

    Sapit Menteri Komunikasyen enggau Multimedia Malaysia, Dato Jailani Johari madah industri pos, kurier sereta logistik majak ngerembai seraris enggau pengerembai teknologi digital.

    “Kitai ngambi chunto di Sarawak, pekara ke bekaul enggau pos, logistik sereta e-dagang ngerembai lengkas nengah inisiatif Pelin Transformasyen Pos Sabah enggau Sarawak (PTPSS).

    “Inisiatif tu ukai semina mai ubah ba industri pos sereta logistik, tang bela ngangkatka ikas sosio ekonomi peranak nengeri tu kelebih agi ke diau di menua pesisir,’ku iya rambau ngulu Hari Pos Sedunya 2017 di Indu Opis Pos ditu, kemari.

    Jailani nambah entara inisiatif bukai ke bisi dituku dikena ngangkatka servis pos di nengeri tu iya nya numbuhka Ejen Berijista Pos di Palan Internet 1Malaysia (PI1M).

    Kerejasama entara PI1M enggau Pos Malaysia ku iya seraris enggau servis e-Penunaian luar bandar, ti udah disedia enggau lengkas sereta ngelimat belanja.

    “Naka ke diatu bisi 840 PI1M di selampur menua nyengkaum di Sarawak dnggau Sabah ngambika peranak di kededua nengeri bulih arus internet,’ku iya.

    Ba pengerami kemari, Jailani bisi nyuaka tiga gelar ngagai orang gawa pos Kuching.

    Gelar keterubah iya nya Gelar Servis Pemadu Lama di Pos enggau Kurier Kuching diberi ngagai Eteng Daro. Iya udah meri servis pengelama 41 taun 9 bulan lalu pinchin kenaka 22 Oktober tu ila.

    Gelar kedua diberi ngagai Tham Ah Soi ke nyadi orang gawa ke enda kala ngambi pemisi sakit sepemanjai 24 taun di Bagi Proses Mel Kuching.

    Gelar ketiga iya nya Gelar Servis Pemadu Manah pulai ngagai seiku pemesai di Opis Pos Besai Kuching, Saripah Samilah.

    Bela datai CEO Kumpulan Pos Malaysia, Dato Mohd Shukrie Mohd Salleh, Direktor SKMM Sarawak, Roslan Mohamad enggau orang bukai. #UtusanBorneo

    No comments

    Post Top Ad

    Deka nemu berita benung #TRENDING tauka #VIRAL ninting hari:

    Post Bottom Ads