Jaga manah pemaik nama KRT - Berita Iban Online

Header Ads

  • Baru Nyadi

    Jaga manah pemaik nama KRT

    Fatimah: Diatu kaban KRT dipebasa nyadi ejen ke ngintu penyerakup, pengelantang enggau pengelikun komuniti.

    Sitak Rukun Tetangga (KRT) diatu dipebasa nyadi ejen ke ngintu penyerakup, pengelantang enggau pengelikun komuniti.

    Berindik enggau nya Menteri Pengintu Pengelantang, Komuniti, Orang Indu, Ruang Bilik enggau Pemansang Anak Mit Dato Sri Fatimah Abdullah dekaka tetiap raban KRT di nengeri tu ngintu pamaik nama KRT.

    “Tanggungpengawa KRT diatu chukup berat ba sentang ngintu penyerakup, pengelantang enggau pengelikun komuniti.

    “Ketegal nya aku minta tetiap kaban KRT bejalaika tanggungpengawa enggau manah ngambika peranak pupu bansa di nengeri tu enda pambar,” ku Fatimah.

    Iya mansutka jaku nya rambau nutup Program Rukun Tetangga Peneraju Perpaduan Renggat Komuniti di Auditorium Yayasan Sarawak ditu kemari.

    Iya nambah, komunikasyen begulai enggau pangan diri meseti dikemeran belama ngambika pemereti idup begulai enggau bansa bukai diintu manah.

    “ Enti nadai komuniksyen kitai deka idup ngatika diri lalu enda kiruhka kaling bukai, pekara sensitif enggau ke bukai.

    “Ketegal nya aku monta kaban KRT meranka ulah nyaup kaling diri, kiruhka kaling diri nengah komunikasyen ngambika pemereti idup begulai diintu manah,” ku Fatimah.

    Bela datai Pemesai Opis Penyerakup Menua enggau Integrasyen Nasional (JPNIN) Pelilih Kuching Abdul Rasid Mahsin. #UtusanBorneo

    No comments

    Post Top Ad

    Deka nemu berita benung #TRENDING tauka #VIRAL ninting hari:

    Post Bottom Ads