Jamit meri puji ngagai pemanah pengawa komiti PDK Kapit - Berita Iban Online

Header Ads

  • Baru Nyadi

    Jamit meri puji ngagai pemanah pengawa komiti PDK Kapit

    UNGKUP KENANG: Jamit (tengah) begambar ungkup kenang enggau komiti PDK Kapit.

    KAPIT: Kaban Kunsil Nengeri (ADUN) Bukit Goram Jefferson Jamit Unyat muji komiti ngatur pengawa Palan Mulaika Pemanah Ulah Dalam Komuniti (PDK) Kapit ba pemanah pengawa ngintu sereta nyaga ‘nembiak mit ti begunaka bantu khas’.

    Iya mansutka pekara tu lebuh ngabas ngagai palan nya apin lama ke udah, di Lot 1234, Sublot 2542, Taman Cham Ung Hua, Jalai Bletih ditu.

    Aku chukup gaga meda komiti ngatur pengawa PDK ti betuaika chairperson Moonly Tiang sereta bala kaban iya ti chukup regas gawa ngatur palan nya memanah.

    Aku beratika bala kita seruran ngatur aktiviti ti bisi reti ngaul bala anak enggau apai indai.

    Menteri Pengintu Pengelantang Pendiau, Komuniti, Indu, Ruang Bilik enggau Pemansang Anak Mit Datuk Fatimah Abdullah mega suah nyebut PDK Kapit chukup chakah gawa sereta diintu enggau manah. Nyadi pengari rayat ditu, aku naka ulih nguji mantu,” ku Jamit.

    Chairlady Moonly Tiang baru udah madah begunaka van peribit dikena berangkutka raban nyelai pendiau (OKU) ari rumah panjai besemak ngagai palan nya. Dikena nangkup peminta tu, aku ngemedarka RM5,000 ungkup ‘Wang Turu Van Orang Tambang OKU’.

    Aku ngarapka raban korporat, serakup enggau sida ngatika diri bela gerah jari nyuaka pemeri ngagai wang turu tu dikena meli van,” ku Jamit ngapil.

    Aku nemu mayuh serakup enggau kelab di pasar ditu endang nyukung PDK. Baka Kelab Lion Kapit, Komiti Rukun Tetangga Selatan, Serakup Kwang Tung, Serakup Chiang Chuan Association sereta mega Maybank Berhad.

    Sida tu udah gerah jari bela melanja aktiviti. Bantu tu ngayanka pemanah kaul PDK enggau mensia mayuh,” ku iya nambah.

    Dalam bulan nyin tadi, Maybank nengah Tanggungpengawa Rama Korporat (CSR) iya, nengah pengawa bejual ngiga belanja lalu asil iya dikena meli siti set injin jait ungkup palan nya.

    Dulu agi ari nya, dalam jaku dipansutka Moonly Tiang, iya madah ngagai Jamit ke diatu bisi 42 iku OKU rejista di palan nya.

    “Berindik ari gaya tanah ti mar ditengah, mayuh OKU enda ulih datai ngagai palan nya ninting hari laban begunaka belanja besai sereta ngira penyauh pejalai. Bisi mayuh rumah panjai agi bekenaka perau panjai nyadika perengka pengangkut. Kitai ngarapka diri ulih nyediaka van orang tambang dikena ngangkut raban OKU ngagai palan tu,” ku Moonly.

    “Ba palan tu, penyanding penemu enggau penulung kami deka nyaga sida. Ngajar sereta ngiri sida ngena pengelandik pemun ngambika ulih ngintu diri empu maya orang tuai mindah ke bukai.

    Sama bisi datai Pemesai Pengintu Pegelantang Kapit Peter Gabong, Penulung Pemesai Pengintu Pegelantang Azizul Jumli sereta bala bukai. #UtusanBorneo

    No comments

    Post Top Ad

    Deka nemu berita benung #TRENDING tauka #VIRAL ninting hari:

    Post Bottom Ads