Jamit udah ngabas projek nyeruri jematan Sungai Pelajau. - Berita Iban Online

Header Ads

  • Baru Nyadi

    Jamit udah ngabas projek nyeruri jematan Sungai Pelajau.

    KAPIT: Kaban Kunsil Nengeri (ADUN) Bukit Goram Jefferson Jamit Unyat bedau lama ke udah ngabas pengawa nyeruri sereta ngemanah jematan semin di Genturong Pelajau Jaya, Sungai Pelajau, Bukit Goram ditu.

    Iya disempulang bala ketuai opis enggau bala ketuai raban bansa sereta bala penulung iya empu ari Palan Servis Parti Pesaka Bumiputera Bersatu (PBB) – Barisan Nasional (BN) Bukit Goram.

    Dalam bulan nyin tadi, Tuai Rumah Lult Achang ari Genturong Pelajau Jaya ngeripot ngagai Jamit pasal jematan semin di seberai nebing sungai nya runtuh ketegal ujan bangat ti ngujungka tebing sungai tusur (kededua kaki jematan enda likun).

    Berindik ari ripot nya, Jamit ngabas endur penusah nyadi lalu minta raban kunteriktor ngemanah sereta ngenegapka jematan nya enggau jampat ungkup pemaik peranak di genturung nya.

    “Pengawa tu digaga enggau jampat laban semina jematan nya aja ti nyambung lebih ari seratus buah rumah di tanah seberai,” ku Jamit lebuh ti dikerandau pengarang berita.

    “ Dikena nyeruri enggau ngemanahka jematan ti sebedau tu enda likun ketegal penusah tebing sungai nya tusur , taja pia tu semina dikena ungkup timpuh pandak aja. Pemutar timpuh panjai iya nya merambu deka ngaga jematan besi.

    “Taja pia, tu bepanggai ba perambu ari Opis Parit enggau Entali Ai sereta Opis Kereja Raya (JKR),” ku Jamit.

    Ba lansa ke bukai, Tuai Rumah Lult Achong meri terima kasih ngagai Jamit ti sikar mutarka pengawa ngemanahka jematan. Ku iya, bisi lebih seratus buah rumah panjai enggau lebih 6000 iku peranak ke diau di genturung pendiau nya ti ngarapka jematan nya. #UtusanBorneo

    No comments

    Post Top Ad

    Deka nemu berita benung #TRENDING tauka #VIRAL ninting hari:

    Post Bottom Ads