Header Ads

  • Berita Tebaru

    Jematan Gantung Satok deka tembu taun 2019

    Tan Sri Datuk Amar James Jemut Masing
    KUCHING: Projek ngaga baru Jematan Gantung Satok ti begunaka ungkus belanja urung RM8.05 juta disadang tembu dalam taun 2019.

    Sapit Kepala Menteri, Tan Sri Datuk Amar James Jemut Masing madahka, projek nya amat beguna dikena nganti jematan asal nya ke digaga dalam taun 1926, lalu ditutup ari ditengah pejalai kaki ba taun 1992 sereta runtuh kena 7 Oktober 2004.

    “Tuju kitai ngaga baru Jambatan Gantung Satok tu deka meri penguntung ngagai orang ke bejalai kaki meraka Sungai Sarawak ari Satok ngagai Medan Niaga Satok sereta deka nyadi palan enggau pematak temuai.

    “Projek tu digaga dalam timpuh 24 bulan iya nya berengkah 19 September 2017 ngagai 18 September 2019, ti begunaka ungkus belanja RM8.05 juta.

    “Batang tuju projek tu iya nya ngaga baru jematan gantung ba palan ke udah bisi lalu nitihka langkar jematan asal sereta ngemanahka baru langkar. Berebak enggau tu mega nyadi palan temuai,” ku iya.

    Masing ke nyadi Menteri Pemansang Infrastruktur enggau Perengka Pengangkut mansutka pekara nya dalam jaku pengelalu pengerami nasih tanah projek ngaga baru Jematan Gantung Satok, Kuching ke diatur ba Kubah Ria ditu, kilah ensana.

    Pengawa nasih tanah nya udah mujur dipenyadika Kepala Menteri Datuk Patinggi Abang Johari Tun Openg.

    Pemanjai Jematan Gantung Satok nya 213 meter ti dilangkar ngena SB Standard, lalu pemesai iya 3.0 meter.

    Ku iya, pengawa ngaga baru jematan nya deka mungkur pengawa ‘tower and anchor blocks’ dikena ngetanka kabel pengantung. #UtusanBorneo

    No comments

    Post Top Ad

    Deka nemu berita benung #TRENDING tauka #VIRAL ninting hari:

    Post Bottom Ads


    Deka nemu berita benung #Viral ninting hari: