Karnival Lumba Ai Long Lama mujur matak penatai lebih 3,000 temuai. - Berita Iban Online

Header Ads

  • Baru Nyadi

    Karnival Lumba Ai Long Lama mujur matak penatai lebih 3,000 temuai.

    KENANG KITAI: Dennis Ngau, Sherrina enggau Baru Tai begambar begulai enggau bala pemenang pekit ngelinsu.

    LONG LAMA: Opis Pelilih Telang Usan nempa sejarah pengudah mujur ngatur Karnival Lumba Ai ungkup taun tu, ke alai Komiti Pengatur udah ngelanggur mayuh program ti bebida ari pelilih ke bukai di bagi menua nya.

    Sida udah ngatur Pekit Ngelinsu Ungkup Orang Tuai ti disereta orang indu enggau lelaki beumur 50 taun enggau tuai agi.

    Program narit ati ke bukai baka niki tiang lichin ba tebing Sungai Baram ti matak penatai mensia mayuh nyengkaum Menteri Dagang Temuai, Seni, Main Asal, Nembiak enggau Lumba, Datuk Abdul Karim Rahman Hamzah.

    Kelimpah ari nya, pekit narit kerita ke disebut dalam jaku Kayan ‘Lake Gahang’ (Lelaki enggau Indu Kering), pekayan beragam enggau Pekit Datun Julut.

    Nyauka semua program nya dipenyadika Kaban Kunsil Nengeri (ADUN) Telang Usan, Dennis Ngau maya karnival nya.

    Pengerichah program matak penatai lebih 3,000 iku ke Pasar Long Lama, taja pan pasar nya mit tang chukup ngerinduka ati ngagai sekeda orang ari luar.

    Ba Pekit Ngelinsu, Cecelia Ubong Anyi dipilih bulih gelar champion, penuduk lumur dua enggau tiga pulai ngagai Usun Jau enggau Ulau Wan.

    Bisi 19 iku pesereta nyereta pekit ngelinsu nya. #UtusanBorneo

    No comments

    Post Top Ad

    Deka nemu berita benung #TRENDING tauka #VIRAL ninting hari:

    Post Bottom Ads