Header Ads

  • Berita Tebaru

    Kepala Menteri dichiri nyadi Pro Chancellor Universiti Teknologi Swinburne Kampus Sarawak

    GELAR: Dix ngerasukka jubah Pro Chancellor ngagai Abang Johari.
    KUCHING: Kepala Menteri, Datuk Patinggi Abang Johari Tun Openg udah rasmi nyadi Pro Chancellor Universiti Teknologi Swinburne Kampus Sarawak, kemari.

    Gelar nya udah disuaka Pegawai Bertugas (Presiding Officer) Universiti Teknologi Swinburne Andrew Dix nyerumba pengerami konvokesyen universiti nya ke diatur ba BCCK ditu.

    Bisi urung 344 iku bala gradaute ke udah mujur dalam bidang komputer, dagang, design, injinia enggau bioteknologi sereta nerima skrol ti disuaka Abang Johari enggau Dix.

    Ari urung 344 iku graduate nya bisi dua iku graduate ti timpang pendiau iya nya Katherine Law, 22, ke ngambi bidang Bachelor of Business (Management) enggau Pung Kay Suan, 27, ti ngambi Master of Business Administration (International).

    Kelimpah ari diploma, bachelor enggau master degree, ke udah tembu ngambi pelajar doctor od philosophy degree mega sama graduate kemari.

    Swinburne Sarawak terus ngasilka graduate PhD kenyau ari taun 2012, lebuh dua iku ke nerima gelar doktor, ti keterubah iya graduate.

    Ari pemayuh 344 iku graduate kemari, tebal agi nya nembiak ariu Malaysia iya nya bisi 288 iku gradute lalu ke bukai nembiak asal ari menua Bangladesh, Indonesia, Kazajhstan, Rusia, Sri Lanka enggau UAE.

    Kenyau ari ditumbuhka tauka berengkah ba taun 2000, Universiti Teknologi Swinburne Kampus Sarawak bisi udah nerima nembiak ari lebih 60 bengkah menua serata dunya.

    Urung 20 peratus ari penyampau 4,000 iku nembiak ke diatu, iya nya nembiak antarabansa.

    Ba pengerami nya mega beberapa iku graduet universiti nya bisi nerima Anugerah Industri 2017 ti nyengkaum Darrell Nadeng Dominic enggau Chong Wei Chun nerima Anugerah Galakan Bumiputera Yayasan Sarawak enggau Anugerah Graduan Cemerlang Yayasan Sarawak; enggau penerima anugerah industri ke bukai.

    Sama bisi datai ngagai konvokesyen nya kemari bini Kepala Menteri, Datin Patinggi Datuk Juma’ani Tun Tuanku Bujang; Vice-Chancellor & Presiden Universiti Teknologi Swinburne Proff Linda Kristjanson Ao; Kaban Council Universiti enggau Lembaga Pengarah Univerisiti baka Sekretari Perintah Nengeri Tan Sri Datuk Amar Mohamad Morshidi Abdul Ghani; Dr Annuar Rapaee (Menteri Muda Pelajar enggau Pemansik Teknologi) enggau ke bukai sereta bala apai indai. #UtusanBorneo

    No comments

    Post Top Ad