KTS Trading ngintu ‘Mid-Autumn Festival’ di Hun Nam Siang T’ng Sarawak. - Berita Iban Online

Header Ads

  • Baru Nyadi

    KTS Trading ngintu ‘Mid-Autumn Festival’ di Hun Nam Siang T’ng Sarawak.

    PEMERI: Kevin Lau (tujuh kiba, rintai mua) kelai nyuaka pemeri enggau barang pemakai ngagai Boon Sin.

    KUCHING: Penyadung Minyak Pelinchir Shell Sarawak iya nya KTS Trading Sdn Bhd udah mai pengelantang ngagai sida ke diau di Hun Nam Siang T’ng Sarawak nyerumba pengerami ‘Mid-Autumn Festival’ kemari.

    Gempung korporat nya udah bekunsika pengaga kelai pengerami asal bansa China nengah pengawa nyuaka pemeri baka barang sereta pemakai ngagai sida ke diau di rumah nya.

    Diuluka Eksekutif Kanan Kevin Lau, raban ari KTS Trading Sdn Bhd mega ngena awak nya begulai serumpu makai kek bulan sereta ngirup enggau sida ke diau di rumah nya.

    “Tu mai reti ti chukup besai ngagai kami meri sukung sereta mantaika penyiru ngagai sida ke diau di Hun Nam Siang T’ng Sarawak nyerumba hari besai tu lalu kami beratika tu nyadi sebagi ari tanggungpengawa rama korporat (CSR) ti ulih mai pengaga enggau pengelantang ngagai sida,” ku Lau ba sebengkah penerang berita nyerumba penemuai nya.

    KTS Trading Sdn Bhd mega bisi meri ‘angpau’ ngagai sida ke diau dia.

    Pengari ti nerima penatai raban nya, Chairman Hun Nam Siang T’ng Sarawak Tay Boon Sin, mega meri terima kasih ngagai KTS Trading Sdn Bhd ti udah gerah jari.

    Tay ngarapka mayuh agi gempung korporat deka nunda pemanah pengawa KTS Trading Sdn Bhd ti nyukung enggau mantu rumah nya.

    Sekeda bala ke bisi datai Menijar Kanan KTS Trading Sdn Bhd Ling Liong King, Menijar Pampang Kuching Tang Lee Woo, Mandal Chairman Hun Nam Siang T’ng Sarawak Chung Miang Poh enggau Tay Swee Hock, Sekretari Besai Kapitan Chong Nam Fah, Penulung Sekretari Besai Lai Keau Moi, Penulung Pemesai Pengintu Pengelantang Rama Annie Loh sereta Perhubungan Pengintu Pengelantang Lau Haw Leong. #UtusanBorneo

    No comments

    Post Top Ad

    Deka nemu berita benung #TRENDING tauka #VIRAL ninting hari:

    Post Bottom Ads