Kuntau sebengkah indentiti bansa ko Mussen. - Berita Iban Online

Header Ads

  • Baru Nyadi

    Kuntau sebengkah indentiti bansa ko Mussen.

    Main asal kuntau patut dikerembai, ditampung sereta ditan kelebih agi ba rebak baru.

    KUCHING: Bekuntau ukai semina main asal bansa kitai Iban tang nyadi sebengkah identiti bansa.

    Menteri Muda Industri enggau Pemeranak Puku, Malcolm Mussen Lamoh madah, nya alai main asal baka bekuntau patut dikerembai, ditampung enggau ditanka kelebih agi rebak baru.

    Iya mega madahka pengelandik enggau penemu bekuntau nya ulih dikena nyendiaka diri napi sebarang penanggul ke enda disadang nyadi.

    “Pengawa belajar bekuntau tu endang patut dikerembaika laban tu ukai semina dikena ngenegapka main asal kitai, tang mega tu identiti bansa kitai.

    “Bekuntau tu mega sereta seiti ari chara ngangkatka pengetan ati enggau runding kitai ngambika kitai ulih mujur sereta sedia napi penanggul ti nuntung kitai enda ngira maya.

    “Aku ngarapka ASADIA terus ngatur pengawa ke baka tu,” ku iya seraya meri peransang enggau jaku lalau ngagai bala pesereta kelas kuntau ke udah nembuka kelas nya.

    Kaban Kunsil Nengeri (ADUN) Batang Ai nya udah ngawakka diri datai ngagai pengawa nutup kelas kuntau Ke-7 ASADIA, ke diatur ba kelang Kuntau ASADIA di Semaba ditu, apin lama.

    Berebak enggau tu iya madahka diri temegah ati ngagai Peter Umak ke udah ngemendarka ASADIA ngena tanah iya.

    Mussen bisi ngungkupka belanja RM5,000 dikena ngemanahka kelang nya.

    “Kita patut ngaga sebuah kelang ke engkeman agi ngambika kelas tu ulih terus dipejalaika enda ngira ujan, panas tauka malam hari.

    “Kita (ASADIA) tau ngelangkar pelin, ila aku beratika pekara nya,” ku iya.

    Kelimpah ari nya, Ketuai ASADIA Mabong Unggang madahka pengaga ati diri laban Mussen ulih datai taja pan ngerembang babas nuju ngagai palan kelas bekuntau nya.

    Nitih ku Mabong, bisi 16 iku orang udah nembuka kelas nya renggat Ke-7 ti diajar Guro Majakatar. #UtusanBorneo

    No comments

    Post Top Ad

    Deka nemu berita benung #TRENDING tauka #VIRAL ninting hari:

    Post Bottom Ads