Masing ngakun mai seraban tuai rumah nemuai ngagai PM ngena bilun soldadu. - Berita Iban Online

Header Ads

  • Baru Nyadi

    Masing ngakun mai seraban tuai rumah nemuai ngagai PM ngena bilun soldadu.

    KENANG KITAI: Urung 150 ketuai pupu bansa, tuai rumah sereta ketuai pun menua ari Kanowit, Song, Kapit enggau Belaga begambar ba mua bilun soldadu ke ditepan sida ke Kuala Lumpur betemu enggau Menteri Besai.

    KUCHING: Berita ‘viral’ ke ditabur orang dalam media rama pasal seraban tuai rumah ke nepan bilun soldadu terebai ngagai Kuala Lumpur, betemu enggau Menteri Besai Datuk Seri Najib Tun Razak, udah di jangka deka nyadi propoaganda politik kelebih agi penyakal, kelimpah ari mayuh macham jaku anu mensia mayuh ba ruai media rama.

    Orang ke mai bala tuai rumah nya ngagai Kuala Lumpur ngena bilun soldadu nya,Sapit Kepala Menteri, Tan Sri James Masing ke berani ngaku, madahka iya mih orang ke mai seraban tuai rumah nya.

    “Aku enda ulih mayar urung 150 iku ke Kuala Lumpur ngena bilun komersial,nya kebuah aku minta tulung ari soldadu”.

    Pia ku munyi penerang ari Masing pasal pekara nya ke nyadi ‘viral’ ba media rama, pengudah bisi berapa iti gambar ketuai pupu bansa di Sarawak dipeda nepan bilun soldadu betemu enggau Menteri Besai di Kuala Lumpur.

    “Sida (ketuai pupu bansa) iya setuju lalu ketegal nya diatu sida di Kuala Lumpur. Sida nadai mantah, lalu enti nitihh, sida iya empu pan rindu ngena bilun sedadu nya laban tu peneleba ba sida iya.

    “Aku enda mereti nama kebuah penyakal (melatah),” ku iya madah lebuh dikerandau ensana, lebuh dipinta nimbal pasal pekara nya.

    Masing ti mega nyadi Menteri Pemansang Infrastruktur enggau Perengka Pengangkut sereta Presiden Parti Rakyat Sarawak (PRS), madahka iya mai urung 150 ketuai pupu bansa, tuai rumah, enggau ketuai pun menua ari Kanowit, Song, Kapit enggau Belaga, mai sida iya betemu enggau Datuk Seri Mohd Najib Razak, mantaika sukung sida iya ngagai Menteri Besai.

    Penemuai raban ketua pupu bansa, tuai rumah serta ketuai pun menua disambut manah ulih Menteri Besai, kelimpah ari dijamu makai tengahari di Seri Perdana, Putrajaya.

    Masing madahka raban nya udahke Kuala Lumpur nepan bilun soldadu kena 27 September tu tadi lalu dipelabaka pulai kemari. #UtusanBorneo

    No comments

    Post Top Ad

    Deka nemu berita benung #TRENDING tauka #VIRAL ninting hari:

    Post Bottom Ads