Opis Muzium Nengeri deka ngatur pemandang Marik beserimbai enggau Aum Marik Entarabansa Borneo ke-5. - Berita Iban Online

Header Ads

  • Baru Nyadi

    Opis Muzium Nengeri deka ngatur pemandang Marik beserimbai enggau Aum Marik Entarabansa Borneo ke-5.


    KUCHING: Opis Muzium Nengeri deka ngatur pemandang Marik: ‘Kepelbagaian Dalam Penggunaan’ beserimbai enggau Aum Marik Entarabansa Borneo ke-5, berengkah ari Hari Dua tu nyentuk ujung bulan tu, di Muzium Tekstil Sarawak ditu.

    Nitih ku surat pemadah media ti dikirum ngagai bilik berita madahka pengawa pemandang nya digaga beserimbai enggau mayuh macham pemisi marik sereta pemanah marik, lalu ngiri penemu baka ni ku marik nyadi perengka pengias ke berega lalu dikena di Sarawak.

    Perengka guna pengias marik ke deka dipandangka, iya nya ari kaki nyentuk ke pala baka pengias pala, tenggak, perengka kena nyandik anak mit, kostum, tungkat bisi marik, senyata bisi marik, kutak alai nyimpan semakau sereta barang bukai.

    “Di Sarawak, marik dikmerat ba pendiau nyauka semua bansa etnik di menua tu.

    “Nya nnyadi malin visual ke besai laban mandangka penuduk sereta pemisi orang; nya mega tau nyadi pemisi orang ke nikah; meri penerang bekaul enggau pengelandik ngaga marik kediri empu, ke tau dipeda nyadi perengka guna ngias diri empu; dikena dalam pengawa berubat ke simbolik; lalu kelia, dikena nyadi pemisi wang sereta nyadi tunggu, sereta mayuh agi,” ku berita nya.

    Program tu deka berengkah nkena 12 Oktober tu lalu deka dipenyadika Direktor Opis Muzium Sarawak, Ipoi Datan.

    “Nyentuk ke diatu, marek nyadi perengka guna pengias diri empu, dikena di rumah sereta nyadi tepa ke bala pangan sereta temuai ari menua luar,” ku iya. #UtusanBorneo

    No comments

    Post Top Ad

    Deka nemu berita benung #TRENDING tauka #VIRAL ninting hari:

    Post Bottom Ads