PBB nangika Dayak begempung ba PBDS Baru. - Berita Iban Online

Header Ads

  • Baru Nyadi

    PBB nangika Dayak begempung ba PBDS Baru.

    KUCHING: Parti Pesaka Bumiputera Bersatu (PBB) balat irau ati ke Bansa Dayak Sarawak begempung ba baruh Parti Bansa Dayak Sarawak (PBDS Baru).

    Presiden PBDS Baru Cobbold John mansutka penemu tu lebuh ti nimbal sebengkah penerang ke dipansutka Sekretari Besai PBB, Datuk Dr. Stephen Rundi Utom.

    Rundi ke mega Menteri Perengka Guna Mensia Mayuh, ba penerang iya bebula jaku Cobbold ti madahka mayuh kaban lama PBDS mulaika diri ngagai parti nya baru lalu iya(Rundi) minta Cobbold mantai ka statistik kaban PBDS Baru.

    “Nama kebuah Rundi enggau PBB balat amat nangika Bansa Dayak pulai ngagai PBDS ?

    “Aku presiden parti, lalu nadai kebuah aku deka mansut ka berita selebubu ngapa ?”, ku Cobbold nengah surat penerang berita kemari.

    Cobbold mega madah, Dayak Pesaka dalam PBB mega semina nyadi sangking pampang Bumiputera lalu nyadi Sapit Kepala Menteri aja ti nadai kuasa pemutus.

    “Orang ti mabuk sida ti engkasak. Penyampau raban PBDS Baru tu pekara parti lalu ukai patut dipekunsi enggau PBB.

    “Enti Rundi deka nemu iya tau nyeretai kami”, ku Cobbold nandu.

    Cobbold mega madah, sigi bisi 8,000 iku kaban TERAS di tengah menua Sarawak lalu sida tu enda diterima nyadi kaban Barisan Nasional (BN).

    Berindik ari nya ku Cobbold, PBDS Baru endang parti ti entap alai sida.

    “Kami nerima sida enggau penuh pengaga. PBB enda patut pedis ati laban sida ti enda nerima kaban TERAS nyemilik BN”, tandu Cobbold. #UtusanBorneo

    No comments

    Post Top Ad

    Deka nemu berita benung #TRENDING tauka #VIRAL ninting hari:

    Post Bottom Ads