Header Ads

  • Berita Tebaru

    Pekara pelajar nyadi kunchi penyulut ngagai bala anak, ku Ding

    Ding Kuong Hiing
    SARIKEI: Institusyen pelajar ti bepun enggau pra sekula dataika renggat sekula sekondari nyadi pelasar besai dikena nempa rebak nembiak nyadi mensia ti menyana sereta nyulut ari semua pekara.

    Kaban Kunsil Nengeri (ADUN) N46 Meradong, Ding Kuong Hiing madah, kemaya hari tu pekara pelajar nyadi kunchi penyulut nyema diseri-di memanah sereta nerima pe-ransang tegap ari semua piak.

    “Penyulut nembiak sekula iya nya legit manisfestasyen pengajar, asil ari pengawa ngajar ti ulih nempa modal mensia ulih besemekih sereta regas ba semua penemu enggau pengelandik, inovatif enggau kreatif sereta ulah ti meruan.

    “Pelajar nyadi peransang ti diguna kena meransang bala anak kita ti bisi penemu, kitai ulih ngambuh penau bala anak ngambika ngerebut peluang enggau nyapai pemansang sereta penyulut,” ku iya.

    Ding mansutka jaku nya rambau Makai Selamat Pinchin Pengajar Shapiah Morshidi, Pengerami Apresiasyen Raban Sekula Sekondari (SMK) St. Anthony Sarikei (SAS) enggau Majlis Titian Kasih Serakup Apai Indai enggau Pengajar (PIBG) SAS ti udah diatur di Balai St. Anthony, malam kemari.

    Berebak enggau nya, sama bisi diatur pengawa nyuaka Anugerah Khidmat Setia, nyuaka surat chiri pangku pengawa sereta nyuaka tepa kgas ngagai raban SMK St. Anthony ti pinchin, pengajar Shapiah Morshidi.

    Nitih ku Ding, pelajar tu pengawa ti seruran dikereja semua orang lalu ngagai bala nembiak, pelajar ti betul deka ngerandang jalai sida nyapai juluk ati jemah.

    Nangkan nya ku iya, pelajar nyadi peransang ngagai bala anak ngambika ulih ngambuh penau sida dikena ngerebut peluang enggau nyapai pemansang enggau penyulut.

    Kelimpah ari nya ku iya, pangku pengawa pengajar beguna endar ngangkatka pemanah penyapai bala nembiak.

    Sama bisi datai Sekretari Politik Kepala Menteri Teng Ung Woo, Prinsipal SMK St. Anthony, Liong Shou Chuan, Chairman (YDP) PIBG, Maureen Chua sereta raban SMK St. Anthony ke bukai.  #UtusanBorneo

    No comments

    Post Top Ad