Pemujur ngatur Kus Program 1AZAM 2017 ngemegahka Dr Penguang. - Berita Iban Online

Header Ads

  • Baru Nyadi

    Pemujur ngatur Kus Program 1AZAM 2017 ngemegahka Dr Penguang.

    BEGULAI ENGGAU RAYAT: Penguang (baris mua, lima kiba) enggau Dennis Garit (enam kanan) begambar begulai enggau bala pesereta.

    MARUDI: Menteri Muda Kaunsil Kandang Menua, Datu Dr.Penguang Manggil chukup temegah ati enggau Opis Betanam Betupi Marudi udah mujur ngatur Kus Program 1AZAM 2017 ti digulu lebih ari 60 iku pesereta.

    “Aku pechaya pekara tu berindik ari kitai bisi makmal ti ditumbuh dalam taun 2013 ke alai tuju makmal tu meri sekeda peluang ngagai sida ti nadai penatai pemisi ti meruan sereta mega meransang sida ngaul diri ba pengawa betanam, projek betupi, kebun besai buah enggau pun penatai pemisi ke bukai ngagai ruang bilik seranta.

    “Pangku pengawa tu beguna endar lalu bedau lama ke udah, rambau Lumba Ai di Long Lama, Sapit Kepala Menteri kitai, Datuk Amar Douglas Uggah Embas ke mega Menteri Betanam Betupi Moden, Tanah Adat enggau Pemansang Kandang Menua, bisi nyebut sereta madahka Bagi Menua Baram ungkup program HAP laban kandang menua chukup besai endur ngaga kebun dandang besai enggau bumai baka Ladang Sawit.

    “Perintah mega meransang peranak ngaul diri ba Ladang Sawit lalu ari pengawa tu ulih nambahka penatai pemisi kita. Pia mega dikena meransang pengawa betupi ngulihka mayuh agi belana laban di Baram, penyampau tubuh peranak urung 80,000 iku sereta Opis Betanam Betupi udah dipilih bejalaika Program 1AZAM di Sarawak.

    Datu Dr.Penguang mansutka pekara tu lebuh bejaku rambau bejadika Pengawa Muka Kus Porgram 1AZAM diatur Opis Betanam Betupi di Dewan Sivik Baram ditu, pagi kemari.

    Program 1AZAM mega dikena ngangkatka pemanah tikas pengidup rayat nengah pengawa betupika manuk enggau ke bukai, nya kebuah Kepala Menteri kitai, Datuk Patinggi Abang Johari Tun Openg udah ngepunka Ekonomi Digital, laban iya nemua kandang menua kitai chukup besai ti ngaul sitak DUN Marudi, Telang Usan enggau Mulu.

    “Ngambika tikas idup ti sama lalu ari pengawa ngulu kus, bala kita ulih belajarka mayuh agi aktiviti program ti menyana.

    “Nyadi pengari BN di tiga sitak menua tu, tebal agi kandang menua mar dilawa laban ke jauh lalu bisi maya kitai ngelawa ngena bilun engkabang, ngerumban jam ngabas sekeda kandang menua, laban ba penemu aku empu, sekali pejalai, abis nadai agi ngelawa tiga endur tauka tiga buah rumah panjai.”

    Sama bisi datai D.O Marudi Mackos Sibong, Pemesai Betanam Betupi Bagi Menua Miri Dennis Garit, Ketuai Kunsil Opis Pelilih Menua Marudi (MDC) Kunsilor Edward Mendai enggau Sekretari MDC Patrick Linggi Taboh.

    Berebak enggau nya, Penguang mega bisi nyuaka chek Projek Mit Pemansang Menua Pesisir (MRP) RM250,000 ngagai Chairman Tua Pek Kong Marudi, Chua Seng Yong. #UtusanBorneo

    No comments

    Post Top Ad

    Deka nemu berita benung #TRENDING tauka #VIRAL ninting hari:

    Post Bottom Ads