Penembu Tamu Desa Senadin deka meri pengelantang ngagai raban orang bedaja - Berita Iban Online

Header Ads

  • Baru Nyadi

    Penembu Tamu Desa Senadin deka meri pengelantang ngagai raban orang bedaja


    MIRI: Pedaja besemak enggau genturung pendiau Desa Senadin ulih bejalaika pengawa dagang sida 
    enggau lebih lantang enti Tamu Desa Senadin ba Jalai Maigold, ditu tembu.

    Kaban Kunsil Nengeri (ADUN) Senadin Datuk Lee Kim Shin madah, tamu nya dipelaba tembu taun baru nengah pengawa dipejalaika dua renggat.

    “Projek renggat keterubah mungkur pengawa ngaga palan bedaja enggau palan paking ke beungkus RM450,000.

    “Diatu piak Kaunsil Mengeri Besai Miri (MBM) deka bejalaika projek renggat kedua laban bisi sekeda pekara deka ditambah baka penatai bekal ai enggau elektrik, pagar, lampu, kipas enggau agu,” ku iya rambau dirandau pemberita maya ngabas taba Tamu Desa Senadin ensanus.

    Nitihku Lee, pengawa ngaga tamu nya ti berengkah taun baru ungkup renggat keterubah baru aja tembu pun bulan September tu tadi.

    “Enti udah tembu menyana ila, tamu tu bisi nyendiaka abis nadai 42 luntang endur bedaja.

    “Pedaja ke nadai lesen sereta bedagang ke palan ke enda patut sida nya ke diasuh bedaja ditu ila,” ku iya.

    Nangkan nya, Lee mega madah pengawa ngaga parit besimen nenga ungkus RM200,000 ba Senadin Jaya udah bepun pun bulan siti ke udah.

    “Parit besimen tu kira 300 meter pemanjai sereta 18 buah entali ai.

    “Projek tu begunaka timpuh empat bulan lalu dipelaba tembu ujung taun tu,” ku iya. #UtusanBorneo

    No comments

    Post Top Ad

    Deka nemu berita benung #TRENDING tauka #VIRAL ninting hari:

    Post Bottom Ads