Pengarang berita diperansang sama beratika pekara bekaul industri 4.0. - Berita Iban Online

Header Ads

  • Baru Nyadi

    Pengarang berita diperansang sama beratika pekara bekaul industri 4.0.

    KUCHING: Raban pengarang berita dilalau beratika pekara bekaul enggau Industri 4.0 laban pekara nya mai mayuh pemerat ba pengelantang pendiau kemaya hari tu, kelebih agi ba pengarang berita ke napi ubah nya kemaya hari tu.

    Direktor Opis Pemadah Sarawak, Abang Sardon Abang Hashim madah tebal agi ari kitai nemu pasal Industri 4.0 ke dikemerat kemaya hari tu.

    “Industri 4.0 bisi bekaul enggau jaku lalau Kepala Menteri ngelama tu lebuh iya nyebut pasal Ekonomi Digital, nyengkaum pengarang berita, laban kita diatu napi Industri 4.0, chara kita gawa pan berubah,” ku Abang Sardon madah lebuh bejaku ba atur pengawa ‘Santai Bersama Media’ di The Banquet ditu, kemari.

    Iya nandu baru, enti diperatika utai ke nyadi kemaya hari tu, enti kitai beratika Industri 4.0, kitai malik ngagai pemun Revolusyen Industri kelia, bepun ari abad ke-17 ke alai ai enggau steel nyadi pemansut barang dagang, Revolusyen Industri ke-2 nyadi entara taun 1870-1940, alai kuasa elektrik dikena ngaga pemansut ke mayuh lalu Revolusyen Industri nyadi entara taun 1950-1970 elektronik enggau teknologi pemadah dikena ngemansutka asil nengah chara automatik, ku iya.

    “Industri 4.0 bekaul enggau makit, ke mayuh ngena IOT (Internet of Things), Sistem internet, sereta pengelandik ke digaga.

    “Jeman tu mayuh udah nukar chara kitai diau, chara kita gawa sereta chara kitai enggau pangan diri, dibanding enggau chara pengarang berita gawa kelia, ke nadai ngena komputer, tauka injin.

    “Pengarang Berita kelia ngumpul (news release), gambar pansut dalam gaya chelum enggau burak aja, lalu gambar ked iambi diproses dalam Bilik Petang (Dark Room) ba Opis Pemadah…Nadai IOT, nadai ‘pigoen hole’. Pengarang berita kemaya hari tu, enda ibuh berebut pasal berita, pengarang berita diatu obsess agi pasal filosofi, talipaun pintar, kamera, gadget sereta perengka guna moden bukai...Tu ke dikumbai transformesyen,” ku iya.

    Sama bisi enggau ngulu atur pengawa nya kemari, pemangku chairman Gerempung Pengarang Berita Kuching (KDJA) Jacqueline David, Sapit Direktor Opis Hal Ehwal Khas, Annuar Hanafi Ardiman, Sapit Direktor Opis Pemadah Sarawak, Ali Suhaili, wakil direktor RTM Sarawak, Alice Wee, wakil direktor FINAS Sarawak, Hidayat Sirat, wakil menijer besai Telekom Malaysia Berhad, Hasni Kassan, Direktor Pengurusan Kanan The Borneo Post enggau Utusan Borneo, Francis Chan. #UtusanBorneo

    No comments

    Post Top Ad

    Deka nemu berita benung #TRENDING tauka #VIRAL ninting hari:

    Post Bottom Ads