Header Ads

  • Berita Tebaru

    Perambu Sarawak numbuhka sekula lumba disukung

    PTPTN MESETI DIBAYAR: Khairy (tengah) ba aum media, begulai enggau (ari kiba ke kanan), Henry, Abdul Karim, Snowdan enggau Dennis pengudah Khairy ngepunka Randau TN50 Begulai enggau Khairy Jamaluddin di Dewan Lagenda ditu, kemari.
    Perintah Besai nengah KBS meri sukung penuh ngagai perambu nya lalu deka berunding enggau KPM.

    SANTUBONG: Perintah Besai meri sukung penuh ngagai Perintah Sarawak ke bisi ati deka numbuhka sebuah sekula lumba enggau main di nengeri tu.

    Menteri Nembiak, Lumba enggau Main (KBS), Khairy Jamaluddin madah numbuhka sekula lumba enggau main begunaka kerejasama enggau Opis Pelajar Malaysia (KPM) laban bisi besangkut paut enggau kurikulum sekula.

    “Aku bisi bejurai pasal pekara nya enggau Menteri Dagang Temuai, Seni, Adat Pesaka, Nembiak, Lumba enggau Main, Datuk Abdul Karim Rahman Hamzah pasal pekara tu, enti numbuhka sekula tu, iya baruh pegai KPM, ila aku bejuraika pekara tu enggau Menteri Pelajar KPM, Dato Sri Mahadzir Khalid.

    “Laban penemu Perintah Nengeri tu manah, lalu rumah sekula nya udah bisi, enda ibuh ngaga baru (sepiak Kompleks Lumba enggau Main, iya nya sekula Demak Baru) ke ulih dikena lalu ditukar nyadi sekula lumba enggau main,” ku iya lalu nandu baru madahka Perintah Besai semina ngeluarka ungkus kena ngaga buding alai atlet aja.

    Iya madah munyi nya pengudah ngepunka Randau TN50 Begulai enggau Khairy Jamaluddin di Dewan Lagenda semak ditu, kemari.

    Khairy ngelansa pemujur Sarawak dalam Lumba enggau Main Malaysia (SUKMA) ke-XVIII taun 2016 tu tadi ngipak endar ke Sarawak numbuhka sebuah sekula lumba enggau main di menua tu.

    Ba lansa bukai, dalam randau nya mega, bala nembiak nanya Khairy enti Malaysia ulih meri pelajar pechuma naggai nembiak menua tu, ku iya.

    “Pelajar pechuma kitai ke diberi perintah datai ngagai universiti, lalu baka nya mega enggau Palan Pelajar Tinggi Perintah (IPTA) mega diberi subsidi nyauka 90 peratus yuran dibayar subsidi, lalu laluh nya dibayar mahasiswa nya empu, lalu enti iya IPTS, injau lun ari PTPTN.

    Khairy nyerumba pelajar tinggi tu siti pukuk ke digaga sama-sama, Perintah nanam pukuk 90 peratus ari yuran nya, lalu nembiak ke belajar nya pan ngaga pukuk…Tu pukuk ke dudi hari ila,” ku iya.

    Chara ngemutarka pekara tu ku iya, ukai meri pelajar pechuma laban kos ke kelalu besai, tang chara ngemutarka pekara tu, iya nya pelajar ke di ulih kitai ari universiti, IPTA/IPTS, agi ulih ngiga pengawa enti kitai pansut ari universiti.

    “Enti udah bulih pengawa, gaji pan nambah, mayar PTPTN pan nadai penanggul,” ku iya. #UtusanBorneo

    No comments

    Post Top Ad