Header Ads

  • Berita Tebaru

    Perintah nengeri ngemendarka urung RM1 juta nengah RTP dikena ngemansangka DUN Semop

    Abdullah Saidol
    BINTANGOR: Pemansang di pelilih Meradong ke dipegai Kunsil Nengeri (DUN) Semop deka disungkakka agi enggau agih belanja urung RM1 juta nengah Program Transformasyen Menua Pesisir (RTP) ari perintah nengeri ti belabuh dipejalaika taun 2018.

    Menteri Muda ba Opis Kepala Menteri (Korporat) ti mega ADUN Semop Abdullah Saidol madah, agih tu dikena bejalaika projek pemansang ba rumah panjai enggau genturung menua ba pelilih nya.

    “DUN Semop dipegai tiga bengkah pelilih iya nya pelilih Meradong, Daro enggau Tanjung Manis.

    “Ba pelilih Meradong ditu aja, naka ke diatu, kitai merambu nyauka RM1 juta dikena nambahka agi pemansang rayat ba ditu,” pia ku iya madah.

    Iya mantaika jaku tu maya ngulu Pesta Limau Bintangor 2017 di Bintangor, malam kilah ensana.
    P
    Nambahka jaku iya, Abdullah ti mega Ketuai Sekretari Politik Kepala Menteri madah, ba geran projek mit menua pesisir (MRP), projek ti deka digaga ba genturung menua enggau rumah panjai di pelilih Meradong mega beungkus lebih kurang RM600,000.

    “Kitai udah berandau enggau bala tuai raban bansa sereta tuai rumah ba pelilih tu senentang agih MRP.

    “Kitai deka ngaduka MRP sepenyampau RM600,000 ba ditu sebedau ujung taun tu,” ku iya madah baru.

    Berebak enggau pengerami tu, Abdullah ngarapka rayat ditu nyukung sapa-sapa chalun (ari Barisan Nasional) ti bediri ba penuduk Parlimen Sarikei maya Pengawa Bepilih Besai Ke-14 (PRU14) ti deka datai.

    “Ba DUN Meradong kitai udah bisi Datuk Ding Kuong Hiing, ba DUN Repok bisi Dato Sri Huang Tiong Sii.

    “ADUN begunaka amat sukung ari Kaban Parlimen ngemujurka pengawa ngagai rayat laban ungkup ke diberi ngagai sida besai agi.

    “Nya alai, aku ngarapka ditu, maya PRU14 ila, Parlimen Sarikei deka bela dipegai pengari rayat ari BN,” pia ku iya madah baru.

    Ba pengerami nya, Abdullah nyuak chek RM5,000 ari ADUN Meluan Rolland Duat ngagai Gerempung Tuai Rumah (PTR) Pampang Meradong. #UtusanBorneo

    No comments

    Post Top Ad

    Deka nemu berita benung #TRENDING tauka #VIRAL ninting hari:

    Post Bottom Ads


    Deka nemu berita benung #Viral ninting hari: