Perintah semampai ngemeratka pengelantang pendiau ex-ATM - Berita Iban Online

Header Ads

  • Baru Nyadi

    Perintah semampai ngemeratka pengelantang pendiau ex-ATM

    ARI KAMI: Johari (dua kanan) nyuaka tepa ngagai Tuai Rumah Milli seraya dikemata Zaki (kiba) enggau bala bukai.
    Pekara tu diayanka perintah nengah agih ke diungkupka ATM ba Bajet 2018.

    SIBU: Pengelikun pengidup sida ke udah nyadi Soldadu Malaysia (ATM) endang semampai dikemeratka perintah belama.

    Sapit Menteri Pengetan Pengelikun Menua Dato Sri Mohd Johari Baharum madah, pementas perintah tu berupai dipeda nengah agih ke diungkup ba Bajet 2018.

    “Nya alai, bala ex-soldadu patut pechayaka pegai perintah maya hari tu ti betuaika Menteri Besai Datuk Seri Najib Tun Razak,” pia ku iya madah.

    Iya mantaika jaku nya maya Pengerami Begulai Enggau Veteran di Rumah Milli Nelson, Jalai Ling Chung Ming, empai lama tu tadi.

    Nambahka jaku iya, Johari madahka diri berasai temegah ati enggau pengeransing sereta sukung veteran ba nengeri Sarawak ti mengkang kering ngagai pegai perintah ke diatu.

    “Perintah mega udah ngungkupka agih dikena ngaga sebuah politeknik di Kem Penrissen, Kuching.

    “Kelimpah ari nya, perintah bela deka berunding ngaga sebuah sepital ATM di nengeri Sarawak ti nyediaka servis enggau pengelantang bala veteran soldadu Sarawak,” ku iya nerang.

    Johari mega minta bala veteran ngambika enda alah enggau jaku umbuk ti tau mambarka pengelikun enggau pengelantang menua tu.

    Ba pengerami nya, iya bisi nyuaka tiga iti kunchi rumah NBOS ngagai veteran Sibu, pemeri ngagai empat iku veteran timpang pendiau (VKU) enggau lima iku balu.

    Kelimpah ari nya, Rumah Milli maya tu bela nerima geran sepenyampau RM5,000.

    Sama bela datai maya tu iya nya Panglima Medan Timur Soldadu Darat Leftenan Jeneral Datuk Mohd Zaki Mokhtar, Panglima 1 Divisyen Mejar Jeneral Datuk Stephen Mundaw enggau Presiden Gerempung Veteran Soldadu Malaysia Nengeri Sarawak Thomas Ling. #UtusanBorneo

    No comments

    Post Top Ad

    Deka nemu berita benung #TRENDING tauka #VIRAL ninting hari:

    Post Bottom Ads