Pilih bidang TVET dikena nangkup pengawa ba SCORE - Berita Iban Online

Header Ads

  • Baru Nyadi

    Pilih bidang TVET dikena nangkup pengawa ba SCORE

    KUCHING: Raban nembiak lebih agi ba sitak Engkilili diperansang ngambi ngerebut ngenap peluang pengawa ke bisi disedia ba Koridor Kuasa Dikena Baru Sarawak (SCORE).

    Nya kebuah, ADUN Engkilili ke mega Kaban Kaunsil Besai Turu Gagasan Anak Bumiputera Sarawak (TEGAS) Dr Johnichal Rayong Ngipa endang seruran meransang raban nembiak ba Engkilili milih bidang TVET dikena nangkup pengawa puang ba SCORE.

    “Nembiak ke udah lepas sekula sereta enda apus sekula patut nyambung pelajar dalam program diatur TEGAS ngambi ulih ngisi pinta pengawa ba SCORE manggai taun 2030.

    “Sida mega ulih milih bidang ke laku ba makit baka ngasilka penguntung ke besai baka kulinari, betanam betupi moden, ekonomi digital enggau digital ekosistem,” ku iya rambau bejadika Pekit Futsal Tetutup Engkilili/Lubok Antu Tahun 2017 apin lama ke udah.

    Ngelansa pasal pengawa lumba, Dr Rayong bisi meransang raban nembiak patut regas ba pengawa lumba laban nya nyadi pelasar dikena meri pengerai ngagai tubuh enggau runding.

    Ku iya, pengeregas ba pengawa lumba mega ulih mantu ngurangka penanggul rama ba raban nembiak di Engkilili.

    Dikena nyapai jukuk nya, iya merambu deka ngaga sebuah Stadium Mini ba Engkilili ngambi bisi endur bemain, ngatur pekit sereta ngatur Liga Main Rayat.

    “Aku udah ngemendarka agih belanja urung RM250,000 dikena ngaga perabung dua dua gelanggang futsal ba pasar Engkilili enggau Skim Skrang ungkup taun baru.

    “Aku mega ngemendarka agih belanja RM10,000 ngagai Kelab Main Bol ENGLANT dikena ngatur program ba taun baru lalu agih RM5,000 ungkup Sarawak Teachers’ Union (STU) Bagi Menua Sri Aman,” ku iya.

    Pekit diatur Kelab Main Bol ENGLANT, STU enggau Kelab Futsal Nembiak Pra U SMK Engkilili dipasuk urung 24 tim ba main ke diatur kena 17 nyentuk 19 September tu tadi.

    Tim Lubok Antu Futsal Team (LAFT) dipadu nyadi champion ketegori lelaki, lumur dua Vinillus enggau PSKPP Senior lumur.

    Udah nya ba kategori indu, chamion dipenggi Vistawish Futsal Team, lumur dua T.B.E Futsal Team enggau Amigos Futsal Team lumur tiga.

    Sama bisi datai Presiden ENGLANT Harold Wilson Api enggau Sekretari STU Sri Aman Kullin Djayang. #UtusanBorneo

    No comments

    Post Top Ad

    Deka nemu berita benung #TRENDING tauka #VIRAL ninting hari:

    Post Bottom Ads