PPD Song champion ‘Kejohanan Sukan Sekolah Pribumi Sarawak 2017 - Berita Iban Online

Header Ads

  • Baru Nyadi

    PPD Song champion ‘Kejohanan Sukan Sekolah Pribumi Sarawak 2017

    SIBU: Tim ari Opis Pelajar Pelilih Menua (PPD) Song dipadu megai gelar champion ba ‘Kejohanan Sukan Sekolah Pribumi Sarawak 2017’ ke diatur di Stadium Tun Ahmad Zaidi Adruce ditu, kemari.

    Kelimpah ari nya, tim tu mega temegah ati enggau atlet sida iya nya Nathalie Lenang mujur menggi gelar Atlet Pemadu Nyulut Indu ba pekit serak tu.

    Iya mega ngembuan rikod baru ba pekit ‘Lompat Jauh’.

    Penuduk lumur dua pekit tu diempu PPD Tatau lalu ditangkan PPD Lubuk Antu ba penuduk lumur tiga.

    Ba kategori Kontijen Lelaki, PPD Sebauh dipadu champion lalu ditangkan PDD Song ba penuduk lumur dua enggau PPD Lubuk Antu ngempu penuduk lumur tiga.

    Bagi kategori Kontijen Indu, PPD Tatau megai gelar champion lalu PPD Song ba penuduk lumur dua enggau PPD Kapit ba penuduk lumur tiga.

    Wilson Minggat Andap ari PPD Julau ti mujur ngaga rikod baru ba pekit ‘Lompat Jauh’ maya tu ngempu gelar Atlet Pemadu Nyulut Lelaki.

    Pekit tu digulu 264 iku atlet ari 21 bengkah PPD ditu.

    Sapit Direktor Bagi Lumba enggau Main Opis Menteri Pelajar Malaysia Zainal Abas dipebasa bejadika pengerami nutup pekit nya.

    Sama bela datai maya tu iya nya Sapit Direkter Opis Pelajar Nengeri Abang Mat Ali Masagus enggau Chairman Komiti Pengatur ti mega Ketuai Opis Pelajar Pelilih (PPD) Selangau Jambai Sayong. #UtusanBorneo

    No comments

    Post Top Ad

    Deka nemu berita benung #TRENDING tauka #VIRAL ninting hari:

    Post Bottom Ads