Program Amal Cuci Kereta’ diatur kelai 50 taun kerejasama KTS, Stihl. - Berita Iban Online

Header Ads

  • Baru Nyadi

    Program Amal Cuci Kereta’ diatur kelai 50 taun kerejasama KTS, Stihl.

    ARAM BESAUP: Lau (dua kanan) nyuaka kupon ngagai seiku prinsipal sekula ditu, kilah ensana.

    SIBU: Kumpulan Syarikat KTS enggau Stihl deka ngatur ‘Program Amal Cuci Kereta’ beserimbai enggau nyambut penumbuh Ke-50 kerejasama dua iti kompeni nya.

    Sapit Direktor Urusan Kumpulan Syarikat KTS Temenggung Dato Vicent Lau madah, program nya diatur sida belabuh ari pun taun ti nyin ila.

    “Tuju kitai endang deka ngiga wang turu dikena nyaup nambahka belanja 23 buah sekula China di Sabah enggau Sarawak.

    “Kebuah pia laban sekula tu nadai diberi belanja ari perintah baka sekula bukai,” pia ku iya madah.
    Iya mantaika jaku nya maya pengawa nyuaka kupon Program Amal Cuci Kereta ngagai lima buah sekula China ditu, lemai kilah ensana.

    Sekula tu iya nya Sekolah Menengah (SM) Tinggi Katolik, SM Wong Nai Siong, SM Guong Ming, SM Citizen dan SM Min Lik.

    Nambahka jaku iya, ku Lau, piak sida melabaka ulih nyual 15,000 kepin kupun enggau rega RM30 sekepin.

    “Enti mujur dijual magang kitai deka bulih RM450,000.

    “Ari penyampau nya, KTS mega deka nyaup meri 2:1 ti deka nambahka RM900,000 agi,” ku iya nerang.

    Iya mega maya tu madahka diri andal program nya deka mujur bepun ari program ke sebaka sebedau tu nerima sambut ke manah ari mensia mayuh.

    “Piak sekula bela meri sukung nejuka program sebedau tu mujur bendar.

    “Ari nya, kitai andal program serak ketiga kali diatur tu mujur teulihka turu dikena kitai nyaup 14 buah sekula China di Sarawak enggau semilan buah di Sabah,” pia ku iya sambil madah program nya deka belabuh diatur di Kuching lalu kepenudi di Tawau.

    Berindik ari nya mega, Lau ngarapka mensia mayuh ulih meri sukung ngagai program ke diatur sida nya. #UtusanBorneo

    No comments

    Post Top Ad

    Deka nemu berita benung #TRENDING tauka #VIRAL ninting hari:

    Post Bottom Ads