Program randau ruai endang chara engkeman ngelala penanggul rayat. - Berita Iban Online

Header Ads

  • Baru Nyadi

    Program randau ruai endang chara engkeman ngelala penanggul rayat.

    SARIKEI: Program randau ruai seraya ngabas rayat endang chara pemadu manah beteleba sereta ngelala penanggul ke ditapi sida dalam pengidup besehari-sehari.

    Sekretari Politik Kepala Menteri Teng Ung Woo madah, peminta rayat endang pekara besai ke patut diperunding perintah, taja sebagi ari nya enda ulih dikemujur.

    “Perintah udah bejalaika mayuh program pemansang ke sistematik dikena nentuka rayat ngasai pengidup ke lebih menyana.

    “Kitai deka nyemetak madah nadai perintah bukai ke ngereja pengawa baka nya kelimpah Barisan Nasional (BN). Kebuah pia, kitai seruran bebendar ngiga jalai ke pemadu manah ke pemaik semua rayat.

    “Tambah mega, pemansang enda ulih ditumpu ngagai siti sukut aja tang kebendar iya nyengkaum infrastruktur, pelajar, betanam betupi enggau mayuh agi ke bukai.

    “Tang, dikena ngamatka pemujur nya, rayat patut meri sukung penuh,” ku Teng madah ngagai pemberita rambau Program Randau Ruai BBQ enggau peranak Sungai Batu ditu, lemai ensanus.

    Program tu mega bisi digulu bala ketuai raban bansa enggau urung 60 iku peranak ke besemak.

    Nitihku Teng, Sarawak diatu majak mansang kenyau sereta pemujur diperintah BN nengeri enggau menua lalu semua enda ulih dipetenah.

    “Tu terang nulak semua jaku tuduh raban penyakal ke suah ngutuk perintah enggau ketuai BN lalu nya semina main politik sida ke deka ngulihka sukung rayat.

    “Ba dunya transformasi jeman ke diatu, deka lebih mayuh agi pemansang diatur ungkup rayat di menua pesisir.

    “Nya alai, kaul enggau penyerakup enyara semua piak beguna amat dikena nentuka semua perambu bejalai enggau mujur,” ku tandu Teng.

    Bela bisi datai bala kaban Parti Sa’ati Rayat Sarawak (SUPP) ari Parlimen Sarikei. #UtusanBorneo

    No comments

    Post Top Ad

    Deka nemu berita benung #TRENDING tauka #VIRAL ninting hari:

    Post Bottom Ads