Header Ads

  • Berita Tebaru

    Program TVET siti chara dikena nempa Malaysia bepemisi tinggi

    Dato Sri Richard Riot
    KUCHING: Pemujur program Pelajar latih Teknikal enggau Vokasional (TVET) nyadi siti chara ke ulih dikena ngangkatka Malaysia nyadi menua mansang bepemisi tinggi, ku Menteri Penguasa Pemayuh Pengereja Pengawa Dato Sri Richard Riot.

    Ketegal nya ku iya, Perintah nengah Bajet 2018 nyendiaka agih belanja besai ba penyampau RM4.9 bilion dikena nusun sereta ngemujur program pengelandik TVET.

    ‘Rambau mantaika Bajet 2018, Menetri Besai madah ba Atur Pemansang Malaysia Lumpar Ke-11 deka ngadaka urung 3.3 juta pengawa puang.

    “Ari penyampau nya, 60 peratus begunaka orang ke landik iya nya orang ke nguasa bengkah pengawa teknikal,”ku Riot ba jaku pengelalu Pekit WorldSkills Malaysia(WMS) Sarawak 2017 di BCCK kemari.

    Pengawa nutup WMS 2017 nya kemari dikemujur Kepala Menteri Datuk Patinggi Abang Johari Tun Openg.

    Ngenang sentang pekit nya, Riot madah pekit diatur Opis Pemansang Pengelandik Kandang Sarawak, opis Menteri Pengereja Pengawa.

    Pekit nerima saup sereta kerejasama Opis Menteri Pelajar, Sains enggau Pansik Teknologi Sarawak enggau tuju ngelaku TVET di Sarawak kelebih agi ngagai raban nembiak.

    WMS 2017 ti keterubah diadu di Sarawak nya digulu 209 iku nembiak ari serata Sarawak ke alai sida bepekit ba 11 kategori.

    Pekit nya dipungkal kena 19 Ogos nyentuk ngagai 24 September 2017 ke alai pekit ke penudi diatur berengkah 25 nyentuk ngagai 29 Oktober 2017. #UtusanBorneo

    No comments

    Post Top Ad

    Deka nemu berita benung #TRENDING tauka #VIRAL ninting hari:

    Post Bottom Ads


    Deka nemu berita benung #Viral ninting hari: